സി.ബി.എസ്.ഇ സ്കൂളുകൾക്കു വേണ്ടിയുള്ള സംസ്ഥാനതല സംസ്കൃതോത്സവത്തിൽ ഇരിങ്ങാലക്കുട ഭാരതീയ വിദ്യാഭവന് ഓവറോൾ രണ്ടാം സ്ഥാനം

ഇരിങ്ങാലക്കുട : തൃശ്ശൂർ പൂച്ചട്ടി ഭാരതീയ വിദ്യാഭവനിൽ നടന്ന സിബിഎസ്ഇ സ്കൂളുകൾക്ക് വേണ്ടിയുള്ള സംസ്ഥാനതല സംസ്കൃതോത്സവത്തിൽ ഇരിങ്ങാലക്കുട ഭാരതീയ വിദ്യാഭവൻ ഓവറോൾ രണ്ടാം സ്ഥാനം കരസ്ഥമാക്കി.

ഹയർസെക്കൻഡറി വിദ്യാർത്ഥികളുടെ സംഘഗാനത്തിൽ എ ഗ്രേഡോടെ ഒന്നാം സ്ഥാനം, ഹൈസ്കൂൾ വിദ്യാർത്ഥികളുടെ ചമ്പു പ്രഭാഷണത്തിൽ എ ഗ്രേഡോടെ ഒന്നാം സ്ഥാനം, ഹൈസ്കൂൾ വിദ്യാർത്ഥികളുടെ സംഘഗാനത്തിൽ എ ഗ്രേഡോടെ രണ്ടാം സ്ഥാനം തുടങ്ങിയ വിജയങ്ങളോടെയാണ് ഇരിങ്ങാലക്കുട ഭാരതീയ വിദ്യാഭവൻ ഈ നേട്ടം കരസ്ഥമാക്കിയത്.