മാടായിക്കോണത്ത് ക്രൈസ്‌റ്റ് എൻജിനീയറിങ് കോളേജ് എൻ.എസ്.എസ് ക്യാമ്പ്

ഇരിങ്ങാലക്കുട : ക്രൈസ്റ്റ് എൻജിനീയറിങ് കോളേജ് എൻ എസ് എസ് യൂണിറ്റിൻ്റെ നേതൃത്വത്തിൽ ‘ സമൃദ്ധി ‘ എന്ന പേരിൽ സപ്തദിന എൻ.എസ്.എസ് ക്യാമ്പ് സംഘടിപ്പിച്ചു. സുജ സഞ്ജീവ് കുമാർ ക്യാമ്പ് ഉദ്ഘാടനം ചെയ്തു. കോളേജ് എക്സിക്യൂട്ടീവ് ഡയറക്ടർ ഫാ. ജോൺ പാലിയേക്കര സി എം ഐ അധ്യക്ഷത വഹിച്ചു.

മാടായിക്കോണം പി കെ ചാത്തൻ മാസ്റ്റർ മെമ്മോറിയൽ സ്കൂളിൽ നടത്തപ്പെട്ട ക്യാമ്പിൻ്റെ ഭാഗമായി സ്കൂൾ പരിസരം വൃത്തിയാക്കൽ, ഊട്ടുപുര നവീകരണം, പഴവർഗ തോട്ടം നിർമാണം എന്നിവ നടത്തി. കേന്ദ്ര യുവജന, സ്പോർട്സ് മന്ത്രാലയത്തിൻ്റെ ‘ സ്വഛത ഹി സേവ ‘ പദ്ധതിയുടെ ഭാഗമായി ആണ് ഇത്.

ക്യാമ്പ് അംഗങ്ങൾക്കായി ഫയർ ആൻഡ് റെസ്ക്യൂ , എക്സൈസ്, മോട്ടോർ വെഹിക്കിൾ, എന്നീ വകുപ്പുകളുടെ നേതൃത്വത്തിൽ ബോധവൽക്കരണ പരിപാടികളും സംഘടിപ്പിച്ചിരുന്നു. എൻ എസ് എസ് പ്രോഗ്രാം ഓഫീസർമാരായ ഡോ. വിഷ്ണു പി. മദൻമോഹൻ, പി എം സ്വാതി, അഡ്വൈസർ ഫെബിൻ രാജു എന്നിവർ ക്യാമ്പിന് നേതൃത്വം നൽകി.