ദേശാഭിമാനി സാഹിത്യ പുരസ്കാര ജേതാവ് ഡോ. സി. രാവുണ്ണിക്ക് ഇരിങ്ങാലക്കുടയിൽ സ്വീകരണം നൽകി

ഇരിങ്ങാലക്കുട : പുരോഗമന കലാസാഹിത്യ സംഘം ടൗൺ യൂണിറ്റിന്റെ ആഭിമുഖ്യത്തിൽ ദേശാഭിമാനി സാഹിത്യ പുരസ്ക്കാരം ലഭിച്ച മലയാളത്തിന്റെ പ്രിയ കവി ഡോ. സി. രാവുണ്ണിക്ക് ആദരം നൽകി. കെ.ജി. സുബ്രമണ്യൻ അദ്ധ്യക്ഷത വഹിച്ച ആദര സമ്മേളനം ഉന്നത വിദ്യാഭ്യാസ സാമൂഹൃ നീതി വകുപ്പ് മന്ത്രി ഡോ. ആർ. ബിന്ദു ഉദ്ഘാടനം നിർവ്വഹിച്ചു.

കേരളത്തിലെ പ്രശസ്ത എഴുത്തുകാരനും പ്രഭാഷകനുമായ കെ.ഇ.എൻ കുഞ്ഞഹമ്മദ് ‘കവിതയും ജീവിതവും’ എന്ന വിഷയത്തെ ആസ്പദമാക്കി പ്രഭാഷണം നടത്തുകയുണ്ടായി.

യൂണിറ്റ് പരിധിയിലെ സംസ്ഥാന സ്കൂൾ കലോത്സവ ജേതാക്കൾക്കുള്ള ആദരവും അവരുടെ കലാ അവതരണവും നടന്നു.

വയലാർ അവാർഡ് ജേതാവ് അശോകൻ ചരുവിൽ മുഖ്യാതിഥിയും, ഖാദർ പട്ടേപ്പാടം, ഡോ.കെ.പി.ജോർജ് , മുഹമ്മദ് അഷ്റഫ് എന്നിവർ ആശംസ അർപ്പിച്ച് സംസാരിച്ചു. സെക്രട്ടറി കെ.എച്ച്. ഷെറിൻ അഹമ്മദ് സ്വാഗതവും മുരളി നടക്കൽ നന്ദിയും പറഞ്ഞു.