ഇരിങ്ങാലക്കുട : ശനിയാഴ്ച പുലർച്ചെ ഏകദേശം 3 മണിയോടെ കോഴിക്കോട് ഡ്യൂട്ടിക്കായി പോകുന്നതിനായി ഇരിങ്ങാലക്കുട സ്റ്റേഷനിലേക്ക് വരുകയായിരുന്ന സിവിൽ പോലീസ് ഓഫീസർ അജിത്ത് മാപ്രാണത്ത് മരക്കമ്പനിയിൽ നിന്നും തീ പോലെ ഒരു വെളിച്ചം ശ്രദ്ധിച്ചത്. ഉടനെ തന്നെ സംശയം തോന്നിയ അജിത്ത് നൈറ്റ് പട്രോൾ ഡ്യൂട്ടിയിലായിരുന്ന സബ് ഇൻസ്പെക്ടർ രാജുവിനെ വിവരം അറിയിച്ചു.
സബ് ഇൻസ്പെക്ടർ രാജുവും ഡ്രൈവർ ഡ്യൂട്ടിയിലായിരുന്ന കൃഷ്ണദാസും ചേർന്ന് ഉടൻ സംഭവസ്ഥലത്ത് എത്തി. സംഭവസ്ഥലത്തെ പരിശോധിച്ചപ്പോൾ മരക്കമ്പനിയിൽ തീ പടർന്നതായി കാണുകയും ഉടൻ ഫയർ ഫോഴ്സിനെ വിവരം അറിയിച്ചെങ്കിലും, അതുവരെ കാത്തുനിൽക്കാതെ പോലീസ് സംഘം തന്നെ തീ അണയ്ക്കുകയായിരുന്നു. പിന്നീട് ഫയർഫോഴ്സ് എത്തുകയും അഗ്നിശമന ഉപകരണങ്ങൾ ഉപയോഗിച്ച് പൂർണമായും തീ അണച്ചു.
പോലീസ് സുസജ്ജമായി ഇടപെട്ടതിന്റെ ഫലമായി വലിയൊരു ദുരന്തം ഒഴിവാകുകയായിരുന്നു. ഏതാനും മിനിറ്റുകൾ വൈകിയിരുന്നുവെങ്കിൽ തീ കൂടുതൽ ഭാഗങ്ങളിലേക്ക് വ്യാപിച്ച് വലിയ ദുരന്തമാകാൻ സാധ്യതയുണ്ടായിരുന്നു.
അപ്ഡേറ്റുകൾ വേഗത്തിലറിയാൻ ഇരിങ്ങാലക്കുട ലൈവ് ഫോളോ ചെയ്യൂ …
https://www.facebook.com/irinjalakuda
▪ join WhatsApp Channel
https://whatsapp.com/channel/0029Va4ic6cBKfhytWZQed3O
▪ join WhatsApp News Group
https://chat.whatsapp.com/Hel1Dv5wip3BpeVF9p0LXb
▪ subscribe YouTube channel
https://www.youtube.com/@irinjalakudanews
▪ follow Instagram
https://www.instagram.com/irinjalakudalive
