ഉമ്മൻ ചാണ്ടിയുടെ ഓർമകൾക്ക് ഒരാണ്ട് – അനുസ്മരിച്ച് കോൺഗ്രസ് ഇരിങ്ങാലക്കുട മണ്ഡലം കമ്മറ്റി

ഇരിങ്ങാലക്കുട : കോൺഗ്രസിന്‍റെ നേതൃത്വത്തിൽ സംസ്ഥാനമെമ്പാടും ഇന്ന് നടക്കുന്ന മുൻമുഖ്യമന്ത്രി ഉമ്മൻ ചാണ്ടിയുടെ ഒന്നാം ചരമവാർഷികം പുഷ്പാർച്ചന , അനുസ്മരണം എന്നിവയോടെ കോൺഗ്രസ് ഇരിങ്ങാലക്കുട മണ്ഡലം കമ്മറ്റിയുടെ ആഭിമുഖ്യത്തിൽ രാജീവ് ഗാന്ധി മന്ദിരത്തിൽ നടന്നു. കെ.പി.സി.സി. മുൻ ജനറൽ സെക്രട്ടറി എം.പി. ജാക്സൺ ഉദ്ഘാടനം ചെയ്തു. മണ്ഡലം പ്രസിഡണ് സി. എസ്. അബ്ദുൾ ഹഖ് അധ്യക്ഷത വഹിച്ചു.

ഇരിങ്ങാലക്കുട നഗരസഭ ചെയർപേഴ്സൻ സുജ സജ്ജീവ്കുമാർ, ഡി.സി.സി ജനറൽ സെക്രട്ടറി സോണിയ ഗിരി, മുതിർന്ന നേതാവ് കെ. വേണുഗോപാൽ, കൗൺസിലർമാർ, കോൺഗ്രസ് ബ്ലോക്ക് – മണ്ഡലം ഭാരവാഹികൾ എന്നിവർ ചടങ്ങിൽ പങ്കെടുത്ത്‌ സംസാരിച്ചു.