റെയിൽവേ സ്റ്റേഷൻ വികസന സമിതിയുടെ നേതൃത്വത്തിൽ കല്ലേറ്റുംകരയിൽ 24-ാം നാൾ സമരാഗ്നി ജ്വലനം നടത്തി

കല്ലേറ്റുംകര : കല്ലേറ്റുംകരയിൽ സ്ഥിതിചെയ്യുന്ന ഇരിങ്ങാലക്കുട റെയിൽവേ സ്റ്റേഷനോട്‌ അധികൃതർ പതിറ്റാണ്ടുകളായി തുടരുന്ന അവഗണനയിൽ പ്രതിഷേധിച്ചു റെയിൽവേ സ്റ്റേഷൻ വികസന സമിതിയുടെ നേതൃത്വത്തിൽ തിങ്കളാഴ്ച വൈകിട്ട് കല്ലേറ്റുംകരയിൽ 24-ാം നാൾ സമരാഗ്നി ജ്വലനം നടത്തി. തുടർന്ന് സമരാഗ്നിയെ സാക്ഷിയാക്കി നിരവധി പേർ ജനകീയ മഹാ ഹർജ്ജിയിൽ ഒപ്പുവെച്ചു പ്രതിഷേധം സമര പങ്കാളികളായി.

സമര പരിപാടികൾ പി.സി. ജോർജ് ഉദ്ഘാടനം ചെയ്തു. വർഗ്ഗീസ് ഇടപ്പിള്ളി സമരസന്ദേശം നൽകി. കുമാരൻ കൊട്ടാരത്തിൽ അദ്ധ്യക്ഷനായി. വർഗ്ഗീസ് പന്തല്ലൂക്കാരൻ, കെ എഫ് ജോസ്, പി കെ വിൻസെന്റ്, ജോസ് കുഴിവേലി, ജോയ് പുളിയാനി, നസീർ, കെ വി സുരേഷ് കൈതയിൽ, ഉണ്ണികൃഷ്ണൻ പുതുവീട്ടിൽ തുടങ്ങിയവർ നേതൃത്വം നൽകി.