കേന്ദ്ര സർക്കാരിൻ്റ അവഗണനക്കെതിരെ സി.പി.ഐ എം ഇരിങ്ങാലക്കുട ഏരിയ കമ്മിറ്റിയുടെ നേതൃത്വത്തിൽ കാൽ നട പ്രചാരണ ജാഥ ആരംഭിച്ചു

ഇരിങ്ങാലക്കുട : സംസ്ഥാനത്തോടുള്ള കേന്ദ്ര സർക്കാരിൻ്റ അവഗണനക്കെതിരെ കേരളം ഇന്ത്യയിലല്ലെ എന്ന ചോദ്യമുയർത്തി സി.പി.ഐ എം ഇരിങ്ങാലക്കുട ഏരിയ കമ്മിറ്റിയുടെ നേതൃത്വത്തിൽ കാൽ നട പ്രചാരണ ജാഥ തുടങ്ങി. എടതിരിഞ്ഞി സെൻ്ററിൽ ക്യാപ്റ്റൻ വി എ മനോജ് കുമാറിന് പതാക കൈമാറി ജില്ലക്കമ്മിറ്റി അംഗം കെ കെ രാമചന്ദ്രൻ എം എൽ എ ഉദ്ഘാടനം ചെയ്തു.

ജില്ലക്കമ്മിറ്റി അംഗം അഡ്വ. കെ ആർ വിജയ അധ്യക്ഷത വഹിച്ചു. ജില്ലക്കമ്മിറ്റി അംഗം ഉല്ലാസ് കളക്കാട്ട് പ്രസംഗിച്ചു. ഏരിയ കമ്മിറ്റി അംഗം സി ഡി സിജിത്ത് സ്വാഗതവും എടതിരിഞ്ഞി ലോക്കൽ സെക്രട്ടറി ഒ എൻ അജിത്കുമാർ നന്ദിയും പറഞ്ഞു.

ഏരിയ സെക്രട്ടറി വി എ മനോജ് കുമാർ ക്യാപ്റ്റനും ജില്ലാ കമ്മിറ്റി അംഗം ശ്രീലാൽ വൈസ് ക്യാപ്റ്റനും കെ സി പ്രേമരാജൻ മാനേജരുമായ ജാഥ ബുധനാഴ്ച 19ന് രാവിലെ എടക്കുളം നെറ്റിയാട് സെൻ്ററിൽ നിന്നും തുടങ്ങി രാത്രി ഏഴിന് മുരിയാട് പഞ്ചായത്ത് ഓഫിസ് പരിസരത്ത് സമാപിക്കും.