കേരള കാറ്ററെഴ്‌സ് അസോസിയേഷൻ്റെ (KCA) വാർഷിക ജില്ല ജനറൽ ബോഡിയും, ഇഫ്‌താർ സംഗമവും മാർച്ച് 27ന് നടവരമ്പ് മാസ് കൺവെൻഷൻ സെൻറ്ററിൽ

ഇരിങ്ങാലക്കുട : കേരള കാറ്ററെഴ്‌സ് അസോസിയേഷൻ്റെ (KCA) വാർഷിക ജില്ല ജനറൽ ബോഡിയും, ഇഫ്‌താർ സംഗമവും മാർച്ച് 27 തീയതി വ്യാഴാഴ്‌ച ഉച്ചയ്ക്ക് ശേഷം 2 മണി മുതൽ ഇരിങ്ങാലക്കുട നടവരമ്പിൽ സ്ഥിതി ചെയ്യുന്ന “മാസ് കൺവെൻഷൻ സെൻറ്ററിൽ” വച്ച് നടക്കും.

തൃശ്ശൂർ ജില്ലാ പ്രസിഡണ്ട് ജോർജ് പോൾ മാമ്പിള്ളിയുടെ അധ്യക്ഷതയിൽ കൂടുന്ന ജനറൽ ബോഡി യോഗം സംസ്ഥാന പ്രസിഡൻറ് സത്യദാസ് എ ജി ഉദ്ഘാടനം ചെയ്യും സംസ്ഥാന ജനറൽ സെക്രട്ടറി സുരേഷ് ഇ നായർ, സംസ്ഥാന ട്രഷറർ എം ആർ റഷീദ്, സംസ്ഥാന വൈസ് പ്രസിഡണ്ട് പോളി പെരേപ്പാടൻ, സെക്രട്ടറി ചാൾസ് ജോൺസൺ എന്നിവർ ആശംസകൾ അർപ്പിച്ചു സംസാരിക്കും.

ഗുണനിലവാരമുള്ള ഭക്ഷ്യവിഭവങ്ങൾ ഏറ്റവും ശുചിത്വത്തോട് കൂടി ഉത്പാദിപ്പിക്കുന്നതിന് ആവശ്യമായ പരിശീലന ക്ലാസും, ഉൽപ്പന്ന പ്രദർശനവും ഈ സമ്മേളനത്തിൽ ഒരുക്കിയിട്ടുണ്ട്. കാറ്ററിങ് മേഖലയെ മുന്നോട്ടുകൊണ്ടുപോകുവാൻ സാധിക്കാത്ത വിധത്തിലുള്ള നിയന്ത്രണാതീതമായി ഉൽപന്ന വിലകയറ്റത്തിനും, ഭക്ഷണം വിതരണം ചെയ്യുവാൻ ഉപയോഗിക്കുന്ന വാഹനങ്ങൾക്ക് പ്രൈവറ്റ് രജിസ്ട്രേഷൻ ലഭിക്കുന്നതും ഉൾപ്പെടെയുള്ള നിരവധി കാര്യങ്ങൾക്ക് പരിഹാരം കാണണം എന്ന ആവശ്യവുമായി നിവേദനം ബന്ധപ്പെട്ട അധികാരികൾക്ക് നൽകുവാനുള്ള പ്രമേയം ഈ ജനറൽബോഡിയിൽ പാസാക്കും.

പ്രോഗ്രാം ജനറൽ കൺവീനിയർ ജോഷി ജോസഫ് മേഖല പ്രസിഡണ്ട് ജോൺസൺ കെ കെ, ട്രഷറർ ബാബു പുളിയാറി എന്നിവരുടെ നേതൃത്വത്തിലാണ് ജനറൽബോഡി സംഘടിപ്പിച്ചിരിക്കുന്നത് എന്ന് ഇരിങ്ങാലക്കുട പ്രസ് ക്ലബ്ബിൽ ചേർന്ന വാർത്ത സമ്മേളനത്തിൽ സംഘാടകർ അറിയിച്ചു.