എൽ.ബി.എസ്.എം സ്കൂളിൽ എൻ.എസ്.എസ് ദിനാചരണം നടത്തി

അവിട്ടത്തൂർ : ലാൽ ബഹാദൂർ ശാസ്ത്രി മെമ്മോറിയൽ ഹയർ സെക്കണ്ടറി സ്കൂളിൽ എൻ.എസ്.എസ് ദിനം ആചരിച്ചു. എൻ.എസ്. എസ് ൻ്റെ നേതൃത്വത്തിൽ ജീവിതോത്സവം, 21 ദിന ചലഞ്ച് വേളൂക്കര ഗ്രാമ പഞ്ചായത്ത് മെമ്പർ ലീന ഉണ്ണികൃഷ്ണൻ ഉദ്ഘാടനം ചെയ്തു. പി.ടി.എ. പ്രസിഡണ്ട് ജോസഫ് അക്കരക്കാരൻ അധ്യക്ഷത വഹിച്ചു.

നമ്മൾ നമ്മളെ മാത്രം ഇഷ്ടപ്പെടല്ലപ്പാ….. എന്നു തുടങ്ങുന്ന തീം സോങ്ങ് പാടി കുട്ടികളും, അധ്യാപകരും, സ്കൂൾ അധികൃതരും തീർത്ത മനുഷ്യ വലയത്തിലായിരുന്നു ചടങ്ങ് നടന്നത്. ലഹരിക്കെതിരെ കേരള സർക്കാരും , എൻ.എസ്.എസ് ഉം ചേർന്ന് കേരളത്തിലെ മുഴുവൻ വിദ്യാലയങ്ങളിലും എല്ലാ വിദ്യാർഥികളെയും പങ്കാളികളാക്കി 21 ദിവസങ്ങളിലായി വ്യത്യസ്ത ലഹരി വിരുദ്ധ പരിപാടി കളാണ് നടത്തുന്നത്

സ്കൂൾ മാനേജർ എ. അജിത്ത്കുമാർ വാര്യർ, എ.സി. സുരേഷ്, കെ.കെ. കൃഷ്ണൻ നമ്പൂതിരി, സുമിത ടീച്ചർ, സി. രാജലക്ഷ്മി, എസ്. സുധീർ എന്നിവർ സംസാരിച്ചു.