ഡി.വൈ.എഫ്.ഐ ഇരിങ്ങാലക്കുട ബ്ലോക്ക്‌ കമ്മിറ്റി കൂത്തുപറമ്പ് രക്തസാക്ഷി ദിനം ആചരിച്ചു

ഇരിങ്ങാലക്കുട : ഡി.വൈ.എഫ്.ഐ ഇരിങ്ങാലക്കുട ബ്ലോക്ക്‌ കമ്മിറ്റി പുല്ലൂരിൽ വച്ച് നടത്തിയ കൂത്തുപറമ്പ് രക്തസാക്ഷി ദിന അനുസ്മരണ പൊതുയോഗം ഡി.വൈ.എഫ്.ഐ മുൻ സംസ്ഥാന കമ്മിറ്റി അംഗവും ജില്ലാ പ്രെസിഡന്റും ആയിരുന്ന കെ വി രാജേഷ് ഉദ്ഘാടനം ചെയ്തു. ഡി വൈ എഫ് ഐ സംസ്ഥാന കമ്മിറ്റി അംഗം സുകന്യ ബൈജു അഭിവാദ്യം ചെയ്ത് സംസാരിച്ചു.

ചടങ്ങിൽ ബ്ലോക്ക്‌ പ്രസിഡന്റ് ശരത് ചന്ദ്രൻ അധ്യക്ഷൻ ആയിരുന്നു. സംഘാടക സമിതി ചെയർമാനും മുരിയാട് പഞ്ചായത്ത്‌ പ്രസിഡന്റുമായ ജോസ് ജെ ചിറ്റിലപ്പിള്ളി, സി പി ഐ എം പുല്ലൂർ ലോക്കൽ സെക്രട്ടറി മോഹനൻ മാസ്റ്റർ, ബ്ലോക്ക്‌ ജോയിന്റ് സെക്രട്ടറിമാരായ കെ ഡി യദു, അഖിൽ ലക്ഷ്മണൻ, ബ്ലോക്ക്‌ വൈസ് പ്രസിഡന്റുമാരായ വിവേക് ചന്ദ്രൻ, കെ കെ രാംദാസ്, സെക്രട്ടറിയറ്റ് അംഗങ്ങളായ നവ്യ കൃഷ്ണ, വി ആർ ഉണ്ണിമായ, എസ എഫ് ഐ ഇരിങ്ങാലക്കുട ഏരിയ സെക്രട്ടറി ദീപക് ദേവ്, ബ്ലോക്ക്‌ കമ്മിറ്റി അംഗം നിഖിത അനൂപ്, ഡി വൈ എഫ് ഐ പുല്ലൂർ മേഖല ഭാരവാഹികളായ ജിതിൻ, ലിബിൻ, മിത എന്നിവർ പങ്കെടുത്തു.

ഡി.വൈ.എഫ്.ഐ ബ്ലോക്ക്‌ സെക്രട്ടറി ഐ.വി സജിത്ത് സ്വാഗതവും ബ്ലോക്ക്‌ ട്രഷറർ വിഷ്ണു പ്രഭാകരൻ നന്ദി പറഞ്ഞു.

continue reading below...

continue reading below..

You cannot copy content of this page