ഇരിങ്ങാലക്കുട : വോട്ടർ പട്ടിക തീവ്ര പരിഷ്കരണത്തിൻ്റെ ഭാഗമായി ഇരിങ്ങാലക്കുട നിയോജകമണ്ഡലത്തിൽ കഥകളി ആചാര്യൻ ഡോ സദനം കൃഷ്ണൻകുട്ടി ആശാന് എന്യുമറേഷൻ ഫോറം ഇലക്ടറൽ രജിസ്ട്രേഷൻ ഓഫീസറായ ഇരിങ്ങാലക്കുട റവന്യു ഡിവിഷണൽ ഓഫീസർ ഷിബു പോൾ അദ്ദേഹത്തിൻ്റെ വീട്ടിലെത്തി കൈമാറി ആരംഭിച്ചു.
ഇലക്ഷൻ ഡെപ്യൂട്ടി തഹസിൽദാർ കെ. ആർ. രേഖ, ഇലക്ഷൻ ക്ലർക്ക് ആതിര, ടെക്നിക്കൽ അസിസ്റ്റൻറ് ലിൻസി, മനവലശ്ശേരി വില്ലേജ് ഓഫീസർ ബിന്ദു. കെ.എസ് എന്നിവർ സന്നിഹിതരായിരുന്നു.
ആർ.ഡി.ഒ ശ്രീ സദനം കൃഷ്ണൻകുട്ടിയ്ക്കും വീട്ടുകാർക്കും തീവ്ര പരിഷ്കരണത്തിൻ്റെ ആവശ്യകതയും ഇതുമായി ബന്ധപ്പെട്ട മറ്റു കാര്യങ്ങളും വിശദമായി പറഞ്ഞു കൊടുക്കുകയും അദ്ദേഹത്തിൻ്റെ സംശയങ്ങൾക്ക് മറുപടി പറയുകയും ചെയ്തു.
ബൂത്ത് ലെവൽ ഓഫീസർമാർ വോട്ടർമാരുടെ വീട്ടിൽ എത്തിയാണ് ഫോം വിതരണം നടത്തുന്നത്. വോട്ടർമാർക്ക് ഫോറം പൂരിപ്പിക്കുന്നതിനുള്ള സഹായവും ബി എൽ ഒ നൽകും. ജില്ലയിലെ പ്രമുഖ വ്യക്തികൾക്ക് ബി എൽ ഒ മാർക്കൊപ്പം ഇലക്ടറൽ രജിസ്ട്രേഷൻ ഓഫീസർമാരും കൂടി എത്തിയാണ് എന്യൂമറേഷൻ ഫോം വിതരണം ചെയ്യുന്നത്.
പൊതുജനങ്ങൾക്ക് വളരെ ലളിതമായി ബി എൽ ഒ മാരുടെ സഹായത്തോടെ ഫോം പൂർത്തിയാക്കി ബി എൽ ഒ യ്ക്ക് തിരികെ നൽകാനാകും. എന്യൂമറേഷൻ ഫോമിനൊപ്പം രേഖകളൊന്നും ഹാജരാക്കേണ്ടതില്ല. ജില്ലയിലെ ഫോം വിതരണത്തിന്റെ പുരോഗതി ഇലക്ടറൽ രജ്സ്ട്രേഷൻ ഓഫീസർമാരുടെ യോഗത്തിൽ വിലയിരുത്തി.
അപ്ഡേറ്റുകൾ വേഗത്തിലറിയാൻ ഇരിങ്ങാലക്കുട ലൈവ് ഫോളോ ചെയ്യൂ …
https://www.facebook.com/irinjalakuda
▪ join WhatsApp Channel
https://whatsapp.com/channel/0029Va4ic6cBKfhytWZQed3O
▪ join WhatsApp News Group
https://chat.whatsapp.com/Hel1Dv5wip3BpeVF9p0LXb
▪ subscribe YouTube channel
https://www.youtube.com/@irinjalakudanews
▪ follow Instagram
https://www.instagram.com/irinjalakudalive
