സ്കിൽ ഡെവലപ്പ്മെന്റ് സെന്റർ കമ്മിറ്റി രൂപീകരിച്ചു

ഇരിങ്ങാലക്കുട : സമഗ്ര ശിക്ഷ കേരള ഇരിങ്ങാലക്കുട ബി.ആർ.സി യുടെ നേതൃത്വത്തിൽ ഗവ. ഗേൾസ് വൊക്കേഷണൽ ഹയർ സെക്കന്ററി സ്കൂളിൽ തൊഴിൽ പരിശീലന കേന്ദ്രം തുടങ്ങുന്നു. അതിന്റെ കമ്മിറ്റി രൂപീകരണ യോഗം ഉന്നത വിദ്യാഭ്യാസ മന്ത്രി ഡോ. ആർ ബിന്ദു നിർവ്വഹിച്ചു.

ഇരിങ്ങാലക്കുട നഗരസഭ ആക്ടിംഗ് ചെയർമാൻ ബൈജു കുറ്റിക്കാടൻ അദ്ധ്യക്ഷത വഹിച്ചു. പ്രിൻസിപ്പാൾ ബിന്ദു പി ജോൺ സ്വാഗതം പറഞ്ഞു. കോഴ്സുകളെ കുറിച്ച് ഡി പി ഒ ബ്രിജി സാജൻ വിശദീകരിച്ചു. അഡ്വ ജിഷ ജാേബി, മിനി സണ്ണി, ബി പി സി കെ ആർ സത്യപാലൻ, പി ടി എ പ്രസിഡണ്ട് അനിൽകുമാർ പി കെ, എസ് എം സി ചെയർമാൻ ഷൈൻ എ വി, ജസീല എം എന്നിവർ സംസാരിക്കുകയും. വി എച്ച് എസ് ഇ പ്രിൻസിപ്പാൾ ധന്യ കെ ആർ നന്ദി പറയുകയും ചെയ്തു.