പഠനം നേരിട്ട് : കലാനിലയത്തിൽ കഥകളി കാണാനെത്തി ഡി.എം.എൽ.പി.എസിലെ നാലാം ക്ലാസ് വിദ്യാർത്ഥികൾ

ഇരിങ്ങാലക്കുട : നാലാം ക്ലാസിലെ മുരളി കണ്ട കഥകളി പാഠഭാഗത്തിന്‍റെ ഭാഗമായി കഥകളിയെ കുറിച്ച് കൂടുതൽ അറിയുന്നതിനായി കലാനിലയത്തിൽ കഥകളി കാണാനെത്തി ഡി.എം.എൽ.പി.എസ് പനങ്കുളത്തെ നാലാം ക്ലാസ് വിദ്യാർത്ഥികൾ. കലാനിലയിലത്തിൽ ഗുരുസ്മരണദിനത്തോട് അനുബന്ധിച്ഛ് കലാനിലയം അധ്യാപകർ അവതരിപ്പിച്ച കല്ല്യാണസൗഗന്ധികം കഥകളി കാണാനാണ് കുട്ടികൾ എത്തിയത്.

കഥകളിയിലെ വേഷങ്ങങ്ങളും മുദ്രകളും കലാനിലയം അധ്യാപകർ കുട്ടികൾക്ക് പരിചയപെടുത്തി. നാല്പത്തിരണ്ടോളം കുട്ടികളാണ് കഥകളി കാണുവാൻ എത്തിയത്. ഡി.എം.എൽ.പി.എസിലെ അദ്ധ്യാപകരായ ഷാലി, ടിൻസി അർച്ചന എന്നിവർ നേതൃത്വം നൽകി.