സൗജന്യ നീന്തൽ പരിശീലന പദ്ധതി ആരംഭിച്ചു

ആളൂർ : തുമ്പൂർ സർവീസ് സഹകരണ ബാങ്ക് കുഴിക്കാട്ടുശ്ശേരി ജീവൻ രക്ഷാ സ്വിമ്മിംഗ് അക്കാദമിയുടെ പങ്കാളിത്തത്തോടെ നടത്തുന്ന സൗജന്യ നീന്തൽ പരിശീലന പരിപാടി ആളൂർ മഷിക്കുളത്തിൽ ആരംഭിച്ചു. ആളൂർ മഷിക്കുളം പരിസരത്ത് നടന്ന യോഗത്തിൽ പദ്ധതിയുടെ ഉദ്ഘാടനം തുമ്പൂർ ബാങ്ക് അഡ്മിനിസ്ട്രേറ്റീവ് കമ്മറ്റി കൺവീനർ ടി.എസ് സജീവൻ മാസ്റ്റർ ഉദ്ഘാടനം ചെയ്തു.

ഭരണസമിതി അംഗം ലിജോ ലൂവിസ് പുല്ലൂക്കര അദ്ധ്യക്ഷത വഹിച്ചു. പരിശീലകൻ എം.എസ്. ഹരിലാൽ, ഭരണസമിതി അംഗം ജിജോ പെരേപ്പാടൻ, സെക്രട്ടറി ഇൻ ചാർജ് കെ. എസ്. മനോജ് എന്നിവർ പ്രസംഗിച്ചു.