ഹിന്ദി ഭാഷയിലുള്ള കനേഡിയൻ ഡോക്യുമെൻ്ററി ചിത്രം ” ടു കിൽ എ ടൈഗർ ” ഇരിങ്ങാലക്കുട ഫിലിം സൊസൈറ്റി വെള്ളിയാഴ്ച സ്ക്രീൻ ചെയ്യുന്നു

ചലച്ചിത്രം : ഇരുപതോളം അന്തർദേശീയ അവാർഡുകളും 96-മത് അക്കാദമി അവാർഡിനായുള്ള നോമിനേഷനും നേടിയ ഹിന്ദി ഭാഷയിലുള്ള കനേഡിയൻ ഡോക്യുമെൻ്ററി ചിത്രം ” ടു കിൽ എ ടൈഗർ ” ഇരിങ്ങാലക്കുട ഫിലിം സൊസൈറ്റി നവംബർ 22 വെള്ളിയാഴ്ച സ്ക്രീൻ ചെയ്യുന്നു.

കൗമാരക്കാരിയായ മകൾ ബലാൽസംഗത്തിന് ഇരയായ ശേഷം നീതിക്ക് വേണ്ടി പോരാടുന്ന ജാർഖണ്ഡിലെ കർഷകനെ കേന്ദ്രീകരിച്ചാണ് 127 മിനിറ്റുള്ള ഡോക്യുമെൻ്ററി നിർമ്മിച്ചിരിക്കുന്നത്. പ്രദർശനം ക്രൈസ്റ്റ് കോളേജ് ജംഗ്ഷനിലെ ഓർമ്മ ഹാളിൽ വൈകീട്ട് 6 ന്.