നന്ദിത ദാസിൻ്റെ ഹിന്ദി ചിത്രം ” സ്വിഗാറ്റോ ” ഇരിങ്ങാലക്കുട ഫിലിം സൊസൈറ്റി നവംബർ ഒന്ന് വെള്ളിയാഴ്ച സ്ക്രീൻ ചെയ്യുന്നു

2023 ലെ കേരള രാജ്യാന്തര ചലച്ചിത്രമേളയിൽ പ്രദർശിപ്പിച്ച നടിയും സംവിധായികയുമായ നന്ദിത ദാസിൻ്റെ ഹിന്ദി ചിത്രം ” സ്വിഗാറ്റോ ” ഇരിങ്ങാലക്കുട ഫിലിം സൊസൈറ്റി നവംബർ ഒന്ന് വെള്ളിയാഴ്ച സ്ക്രീൻ ചെയ്യുന്നു. ഭുവനേശ്വരിൽ ഫാക്ടറി തൊഴിലാളിയായി പ്രവർത്തിക്കുന്ന മനസ് സിംഗ് ആണ് ചിത്രത്തിലെ കേന്ദ്രകഥാപാത്രം.

തൊഴിൽ നഷ്ടപ്പെട്ട മനസ് സിംഗിന് സ്വിഗാറ്റോ എന്ന ഓൺലൈൻ ഫുഡ് ഡെലിവറി ആപ്പിൽ ജീവനക്കാരനായി പ്രവർത്തിക്കേണ്ടി വരുന്നു. ടൊറന്റോ , ബുസാൻ അടക്കമുള്ള അന്തർദേശീയ ചലച്ചിത്രമേളകളിൽ പ്രദർശിപ്പിച്ച 104 മിനിറ്റുള്ള ചിത്രത്തിൻ്റെ പ്രദർശനം ക്രൈസ്റ്റ് കോളേജ് ജംഗ്ഷനിലെ ഓർമ്മ ഹാളിൽ വൈകീട്ട് 6 ന്.