മാടമ്പ് കുഞ്ഞുകുട്ടൻ പുരസ്കാരം: സതീഷ് മഠത്തിലിന്റെ “പേറ്റുമരം” എന്ന കഥയ്ക്ക് നാലാം സ്ഥാനം

​ഇരിങ്ങാലക്കുട : 2026 ലെ മാടമ്പ് കുഞ്ഞുകുട്ടൻ കഥാപുരസ്കാരത്തിൽ ഇരിങ്ങാലക്കുട സ്വദേശിയായ സതീഷ് മഠത്തിൽ രചിച്ച “പേറ്റുമരം” എന്ന ചെറുകഥയ്ക്ക് നാലാം സ്ഥാനം.
​29-ാമത് കൊച്ചി അന്താരാഷ്ട്ര പുസ്തകോത്സവത്തോടനുബന്ധിച്ച് എറണാകുളം പരമേശ്വർജി ഓഡിറ്റോറിയത്തിൽ നടന്ന ചടങ്ങിൽ കവി പ്രൊഫ. വി. മധുസൂദനൻ നായർ പുരസ്കാരങ്ങൾ വിതരണം ചെയ്തു. പായിപ്ര രാധാകൃഷ്ണൻ, ആർ. ഗോപാലകൃഷ്ണൻ തുടങ്ങിയ പ്രമുഖ സാഹിത്യ-സാംസ്കാരിക വ്യക്തിത്വങ്ങൾ പങ്കെടുത്ത ചടങ്ങിൽ തിരഞ്ഞെടുത്ത കഥകൾ ഉൾപ്പെടുത്തിയ പുസ്തകത്തിന്റെ പ്രകാശനവും നടന്നു.

​തുടർന്ന് നടന്ന കവിയരങ്ങ്, ദൂരദർശൻ മലയാളം വാർത്താ അവതാരകനായിരുന്ന ആർ. ബാലകൃഷ്ണൻ ഉദ്ഘാടനം ചെയ്തു. നിരവധി എഴുത്തുകാർ പങ്കെടുത്ത വിപുലമായ മത്സരത്തിലാണ് സതീഷ് മഠത്തിലിന്റെ ശ്രദ്ധേയമായ രചനയായ “പേറ്റുമരം” ഈ മികച്ച നേട്ടം കൈവരിച്ചത്.