റാങ്ക് ജേതാവ് കെ.ടി ജെയ്തയെ മുരിയാട് മണ്ഡലം കോൺഗ്രസ് കമ്മിറ്റി ആദരിച്ചു

മുരിയാട് : എം.എസ്.സി ബയോ ഇൻഫോമാറ്റിക്സിൽ എം.ജി യൂണിവേഴ്സിറ്റിയിൽ നിന്നും റാങ്ക് കരസ്ഥമാക്കിയ കെ.ടി. ജെയ്തയെ മുരിയാട് മണ്ഡലം കോൺഗ്രസ് കമ്മിറ്റി ആദരിച്ചു. ആനന്ദപുരം കാളൻ തോമസിൻ്റേയും ബിജിയുടേയും മകളായ ജെയ്ത, ആലുവ യു.സി. കോളേജ് വിദ്യാർത്ഥിനിയായിരുന്നു.

മണ്ഡലം പ്രസിഡണ്ട് സാജു പാറേക്കാടൻ സ്നേഹോപഹാരം സമ്മാനിച്ചു. ബൂത്ത് പ്രസിഡണ്ട് ജിന്റോ ഇല്ലിക്കൽ യൂത്ത് കോൺഗ്രസ് മുൻ നിയോജകമണ്ഡലം പ്രസിഡണ്ട് വിപിൻ വെള്ളയത്ത് എന്നിവരുടെ നേതൃത്വത്തിൽ നടന്ന ചടങ്ങിൽ ബ്ലോക്ക് സെക്രട്ടറി എം.എൻ. രമേശ്, വാർഡ് മെമ്പർമാരായ നിത അർജുനൻ, കെ. വൃന്ദകുമാരി, യൂത്ത്കോൺഗ്രസ് നിയോജകമണ്ഡലം സെക്രട്ടറി എബിൻ ജോൺ, അഡ്വ. ഗോകുൽ കർമ്മ, ജോമി ജോൺ, റിജോൺ ജോൺസൺ, പോൾ പറമ്പി, രാമകൃഷ്ണൻ പാലയ്ക്കാട്ട് എന്നിവർ സംബന്ധിച്ചു.