ക്രൈസ്റ്റിൽ കമ്യൂണിക്കേഷൻ സ്കിൽസിൽ ദ്വിദിന ദേശീയ ശില്പശാല നടത്തി

ഇരിങ്ങാലക്കുട : ക്രൈസ്റ്റ് കോളേജ് ഇംഗ്ലീഷ് ഡിപ്പാർട്മെന്റിൻറെ നേതൃത്വത്തിൽ തമിഴ്നാട്ടിലെ വള്ളുവർ കോളേജ് ഓഫ് സയൻസ് ആൻഡ് മാനേജ്മെന്റിലെ വിദ്യാർത്ഥികൾക്കായി ദ്വിദിനസഹവാസ ശില്പശാല നടത്തി. വള്ളുവർ കോളേജിൽ നിന്നും നാല്പതോളം വിദ്യാർത്ഥികളും അഞ്ചു അധ്യാപകരും പങ്കെടുത്ത ശില്പശാലയിൽ പങ്കെടുത്തു .

ക്രൈസ്റ്റ് കോളേജ് ഇംഗ്ലീഷ് വിഭാഗം തലവൻ ഡൊ. കെ ജെ വർഗീസിന്റെയും വൈസ് പ്രിൻസിപ്പാൾ അസോസിയേറ്റ് പ്രൊഫസർ പള്ളിക്കാട്ടിൽ മേരി പത്രോസിന്റെയും നേതൃത്വത്തിൽ പരിശീലന ക്ലാസുകൾ നടന്നു. ലാൻഗ്വേജ് ലാബിലുള്ള പ്രായോഗിക പരിശീലനം , അധ്യാപക വിദ്യാർത്ഥി വിനിമയത്തിലൂടെയുള്ള ഇംഗ്ലീഷ് ഭാഷാ പരിശിലനം , കാമ്പസ് ടൂർ എന്നിവ ശില്പശാലയുടെ പ്രത്യേകതകളായിരുന്നു .

ഇംഗ്ലീഷ് ഭാഷയിലുള്ള കുട്ടികളുടെ നൈപുണ്യ വികാസത്തിന് ഊന്നൽ നൽകി തയ്യാറാക്കിയ വിവിധ സെഷനുകൾ ഡിപ്പാർട്മെന്റിലെ മറ്റ് അധ്യാപകർ നയിച്ചു. സമാപന സമ്മേളനത്തിൽ കോളേജ് പ്രിൻസിപ്പാൾ ഡോ . ജോളി ആൻഡ്രൂസ് സർട്ടിഫിക്കറ്റുകൾ വിതരണം ചെയ്തു.