ഡ്രൈ ഡേയിൽ അനധികൃത മദ്യവില്പന – 16 കുപ്പി ഇന്ത്യൻ നിർമ്മിത വിദേശമദ്യവുമായി കണ്ണിക്കര സ്വദേശിയെ എക്സൈസ് പിടികൂടി

ഇരിങ്ങാലക്കുട : ഡ്രൈ ഡേയിൽ അനധികൃത മദ്യവില്പന നടത്തിയയാളെ എക്സൈസ് റെയ്ഞ്ച് ഓഫീസ് ഇരിങ്ങാലക്കുട യിലെ റെയ്ഞ്ച് ഇൻസ്പെക്ടർ അനുകുമാർ. പി.ആർ ഉം പാർട്ടിയും കൂടി പിടികൂടി. ശ്രീനാരായണ ഗുരുജയത്തിയായ ഓഗസ്റ്റ് 20 ഡ്രൈ ഡേയിലാണ് അനധികൃത മദ്യവില്പന നടന്നത്.

താഴെക്കാട് വില്ലേജ് കണ്ണിക്കരയിൽ അനധികൃത വിൽപനക്കായി 16 കുപ്പി (8ലിറ്റർ ) ഇന്ത്യൻ നിർമ്മിത വിദേശമദ്യം സൂക്ഷിച്ച കുറ്റത്തിന് കണ്ണിക്കര ചാതേലി വീട്ടിൽ ആന്റിസൻ ( 55 ) എന്നയാളെ അറസ്റ്റ് ചെയ്ത് ഇരിങ്ങാലക്കുട റെയ്ഞ്ചിലെ CR.95/24 ആയി കേസ്സ് രജിസ്റ്റർ ചെയ്തു. കോടതിയിൽ ഹാജരാക്കിയ പ്രതിയെ റിമാൻ്റ് ചെയ്തു.