ഇരിങ്ങാലക്കുടയിൽ ഗവ. നഴ്സിങ് കോളേജ് സ്ഥാപിക്കണമെന്ന് സി.പി.ഐ(എം) ഏരിയ സമ്മേളന പ്രമേയം

ഇരിങ്ങാലക്കുട : ഇരിങ്ങാലക്കുടയിൽ സി.പി.ഐ(എം) ഏരിയ സമ്മേളനം അംഗീകരിച്ച പ്രമേയങ്ങൾ – ഇരിങ്ങാലക്കുടയിൽ ഗവ. നഴ്സിങ് കോളേജ് സ്ഥാപിക്കണം, ഇരിങ്ങാലക്കുട നഗരസഭ ബസ് സ്റ്റാൻഡ് ഹൈടെക് ബസ് സ്റ്റാൻഡായി നവീകരിക്കണം, ഇരിങ്ങാലക്കുട റെയിൽവേ സ്റ്റേഷൻ ആധുനിയവത്കരിക്കുകയും കൂടുതൽ ട്രെയിനുകൾക്ക് സ്റ്റോപ്പ് അനുവദിക്കുകയും കൂടുതൽ കോച്ചുകൾ അനുവദിക്കുകയും വേണം.

ഇരിങ്ങാലകുട ബൈപാസ് റോഡ് ആധുനികവലക്കരിക്കണം, ഇരിങ്ങാലക്കുടയിൽ സാംസ്കാരിക സമുച്ചയം നിർമ്മിക്കണം, മുനിസിപ്പൽ മൈതാനത്തിൻ്റെ ശോച്യാവസ്ഥ പരിഹരിച്ച് നവീകരിക്കണം, നെല്ലായിയിലും മുരിയാട് പുവ്വ ശേരിക്കാവിലും റെയിൽവേ ഓവർ ബ്രിഡ്ജ് നിർമ്മിക്കണം, പടിയൂർ എടതിരുത്തി പഞ്ചായത്തുകളെ ബന്ധിപ്പിക്കുന്ന ഉപ്പും തുരുത്തി പാലം നിർമ്മിക്കണം, എടതിരിഞ്ഞി വില്ലേജിലെ ന്യായവില അപാകതകൾ പരിഹരിക്കുകയും അതിനുള്ള പരാതി നൽകുന്നതിന് സ്റ്റാമ്പ് ഡ്യൂട്ടി ഒഴിവാക്കണം.