ശ്രീ കൂടൽമാണിക്യം ദേവസ്വം മേഘാർജ്ജനന് ഈ സീസണിലേക്കുള്ള കച്ചകയറും നെയിം ബോർഡും സമർപ്പിച്ചു – തൃപ്രയാർ ഏകാദേശി മുതൽ ആന പുറത്ത് എഴുന്നള്ളിപ്പിന് പോയി തുടങ്ങുമെന്ന് ദേവസ്വം

ഇരിങ്ങാലക്കുട : ശ്രീ കൂടൽമാണിക്യം ദേവസ്വം മേഘാർജ്ജനന് ഈ സീസണിലേക്കുള്ള കച്ചകയറും നെയിം ബോർഡും സമർപ്പണച്ചടങ്ങ് കിഴക്കേ നടപന്തലിൽ നടന്നു. മേഘാർജ്ജുനനെ ക്ഷേത്രത്തിലേക്ക് നടയിരുത്തിയ തെക്കേമഠം സുരേഷ് ആണ് ഇതിനു വേണ്ടവ ഒരുക്കി നൽകിയത്.

കൂടൽമാണിക്യം ദേവസ്വം ചെയർമാൻ അഡ്വ സി കെ ഗോപി മേഘാർജ്ജുനനുള്ള നെയിം ബോർഡ് കൈമാറി. മാനേജ്‌മന്റ് കമ്മിറ്റി അംഗം അഡ്വ അജയ് കുമാർ കച്ചകയറും പാപ്പാന്മാർക്ക് കൈമാറി .നീരുകാലം കഴിഞ്ഞു തൃപ്രയാർ ഏകാദേശി മുതൽ ആന പുറത്ത് എഴുന്നള്ളിപ്പിന് പോയി തുടങ്ങുമെന്ന് ദേവസ്വം അധികൃതർ അറിയിച്ചു. അതിന്റെ മുന്നോടിയായിട്ടാണ് ചടങ്ങുകൾ നിർവഹിച്ചത്.