‘ലഹരിക്കെതിരെ ഒറ്റക്കെട്ടായി പോരാടാം’ സിഗ്നേച്ചർ ക്യാമ്പയിൻ സംഘടിപ്പിച്ചു

ഇരിങ്ങാലക്കുട : പട്ടികജാതി വികസന ഓഫീസ് ഇരിങ്ങാലക്കുട നഗരസഭയുടെ നേതൃത്വത്തിൽ ഇരിങ്ങാലക്കുട ബസ് സ്റ്റാൻഡിൽ ‘ലഹരിക്കെതിരെ ഒറ്റക്കെട്ടായി പോരാടാം’ സിഗ്നേച്ചർ ക്യാമ്പയിൻ നഗരസഭാ ചെയർപേഴ്സൺ സുജ സഞ്ജീവ് കുമാർ ഉദ്ഘാടനം ചെയ്തു. ക്ഷേമകാര്യ സ്റ്റാൻഡിങ് കമ്മിറ്റി ചെയർമാൻ സി സി ഷിബിൻ അധ്യക്ഷത വഹിച്ചു.

ഗാന്ധിജയന്തി ദിനമായ ഒക്ടോബർ 2 മുതൽ പതിനാറുവരെ പട്ടികജാതി പട്ടികവർഗ്ഗ പിന്നാക്ക വിഭാഗ വികസന വകുപ്പുകളുടെ നേതൃത്വത്തിൽ എല്ലാ വകുപ്പുകളുടെയും സഹകരണത്തോടെ സാമൂഹ്യ ഐക്യദാർഢ്യ പക്ഷാചരണത്തിന്റെ ഭാഗമായാണ് ക്യാമ്പയിൻ നടത്തിയത്.

പൊതുമരാമത്ത് സ്റ്റാൻഡിങ് കമ്മിറ്റി ചെയർമാൻ ജയ്സൺ പാറേക്കാടൻ, വിദ്യാഭ്യാസകാര്യ സ്റ്റാൻഡിങ് കമ്മിറ്റി ചെയർപേഴ്സൺ അഡ്വക്കേറ്റ് ജിഷ ജോബി, കൗൺസിലർ പി ടി ജോർജ് എന്നിവർ ആശംസകൾ അറിയിച്ചു. വികസനകാര്യ സ്റ്റാൻഡിങ് കമ്മിറ്റി ചെയർപേഴ്സൺ ഫെനി എബിൻ സ്വാഗതവും പട്ടികജാതി വികസന ഓഫീസർ ചൈത്ര നന്ദിയും പറഞ്ഞു