പൂതനാമോക്ഷം ചമയങ്ങളില്ലാതെ

ഇരിങ്ങാലക്കുട : നടനകൈരളിയിൽ നടന്നു വരുന്ന നവരസ സാധന ശിൽപ്പശാല യോടനുബന്ധിച്ചു കപില വേണു പൂതനാമോക്ഷം നങ്ങ്യാർകൂത്ത് ഒക്ടോബർ 23 വ്യാഴാഴ്ച വൈകുന്നേരം 6 മണിക്ക് അവതരിപ്പിക്കുന്നു.

നങ്ങ്യാർകൂത്ത് എന്ന അഭിനയകലയുടെ പുനരുജ്ജീവന കാലഘട്ടത്തിൽ നാലു പതിറ്റാണ്ടിനു മുൻപ് നാട്യാചാര്യൻ അമ്മന്നൂർ ചാക്യാരാണ് നങ്ങ്യാർകൂത്തിൽ പൂതനാമോക്ഷം ചിട്ടപ്പെടുത്തിയത്. കൊടുങ്ങല്ലൂർ കളരിയിൽ ഭാഗവതർ കുഞ്ഞുണ്ണി തമ്പുരാൻ്റെ കീഴിൽ അദ്ദേഹം അഭ്യസിച്ച നേത്രാഭിനയവും പ്രത്യേകിച്ചും മരണത്തിൻ്റെ സ്വരവായുവും ഒക്കെ പിൽക്കാലത്ത് ഏറെ ഉൾക്കൊണ്ട് ചിട്ടപ്പെടുത്തിയിട്ടുള്ള ശ്രദ്ധേയമായി.

അഭിനയം പൂർണരൂപത്തിൽ പ്രകടമാക്കുവാൻ ചമയങ്ങളില്ലാതെയാണിത് അവതരിപ്പിക്കുക. കലാമണ്ഡലം രാജീവ്, കലാമണ്ഡലം ഹരിഹരൻ എന്നിവർ മിഴാവിലും കലാനിലയം ഉണ്ണികൃഷ്ണൻ ഇടക്കയിലും സരിത കൃഷ്ണകുമാർ താളത്തിലും പശ്ചാതല മേളം നൽകും.

ശാസ്ത്രീയ അഭിനയത്തിലെ കൊടുങ്ങല്ലൂർ കളരിയുടെ സംഭാവനകളെ കുറിച്ച് വേണുജി ആമുഖ പ്രഭാഷണം നിർവഹിക്കും.