ദേശീയ ഗണിത ദിനത്തിൽ ഇരിങ്ങാടപ്പള്ളി മനയിൽ സംഗമഗ്രാമ മാധവ അനുസ്മരണം സംഘടിപ്പിക്കുന്നു

കല്ലേറ്റുംകര : മാധവ ഗണിത കേന്ദ്രം വിദ്യാഭ്യാസ വികസ കേന്ദ്രത്തിന്റെ നേതൃത്വത്തില്‍ ദേശീയ ഗണിത ദിനമായ ഡിസംബർ 22 ന് വിശ്വപ്രസിദ്ധനായ സംഗമഗ്രാമത്തിലെ മാധവന്റെ ജന്മം കൊണ്ട് പുണ്യമായ കല്ലേറ്റുംകര ഇരിങ്ങാടപ്പള്ളി മനയിൽ സംഗമഗ്രാമ മാധവ അനുസ്മരണം സംഘടിപ്പിക്കുന്നു.

ഡിസംബർ 22 ദേശീയ ഗണിത ദിനമായി ഭാരത സർക്കാർ ആഘോഷിച്ചു വരുന്നതിന്റെ ഭാഗമായി ഭാരതത്തിൽ അങ്ങോളമിങ്ങോളമുള്ള മുഴുവൻ ഗണിതശാസ്ത്രകാരൻമാരെയും അനുസ്മരിക്കാനും അവരുടെ സിദ്ധാന്തങ്ങൾ കൂടുതൽ കൂടുതൽ പ്രചരിപ്പിക്കാനുമുള്ള പ്രവർത്തനമാണ് നടക്കുന്നത്. അക്കൂട്ടത്തിൽ പ്രഥമഗണനിയനും വിശ്വപ്രസിദ്ധനുമായ സംഗമഗ്രാമത്തിലെ മാധവൻ മലയാളികളെ സംബന്ധിച്ച് അഭിമാനകരമായ ഓർമ്മയാണ്.

കേരള സാങ്കേതിക സർവ്വകലാശാല വൈസ്ചാൻസലർ ഡോ. കെ ശിവപ്രസാദ്, കേന്ദ്രസംസ്കൃത സർവ്വകലാശാല ഡയരക്ടർ പ്രെഫ. കെ.കെ ഷൈൻ എന്നിവരുൾപ്പെടെ നിരവധി വിദ്യാഭ്യാസ പ്രവർത്തകർ ഞായറാഴ്ച രാവിലെ 9:30 ന് ചടങ്ങിന് എത്തിച്ചേരുമെന്ന് സംഘാടകർ അറിയിച്ചു.