ഇരിങ്ങാലക്കുട സ്വദേശി കോളേജ് വിദ്യാർത്ഥി സരുൺ ചന്ദ്രൻ (18) ആലുവയിൽ ബൈക്ക് അപകടത്തിൽ മരിച്ചു

ഇരിങ്ങാലക്കുട : ഇരിങ്ങാലക്കുട സ്വദേശി കോളേജ് വിദ്യാർത്ഥി കരിപ്പറമ്പിൽ ചന്ദ്രൻ മകൻ സരുൺ ചന്ദ്രൻ (18 ) ആലുവയിൽ ബൈക്ക് അപകടത്തിൽ മരിച്ചു. ആലുവ ചൊവ്വര കെ എം എം കോളേജ് ബി.സി.എ രണ്ടാംവർഷ വിദ്യാർഥിയാണ് സരുൺ. ആലുവ ദേശം കാലടി റോഡിൽ കൊണ്ടോട്ടി വളവിൽ തിങ്കളാഴ്ച രാവിലെ ടിപ്പർ ലോറിയുമായി സരുൺ സഞ്ചരിച്ചിരുന്ന ബൈക്ക് ഇടിക്കുകയായിരുന്നു.

തിങ്കളാഴ്ച കോളേജിലെത്തിയ സരുൺ സുഹൃത്തിന്റെ ബൈക്ക് വാങ്ങി യാത്ര ചെയ്യുകയായിരുന്നു. നെടുമ്പാശ്ശേരി പോലീസ് സ്റ്റേഷൻ പരിധിയിലാണ് അപകടം സംഭവിച്ചത്. ചെട്ടിപ്പറമ്പ് ഗവൺമെന്റ് ഗേൾസ് ഹൈസ്കൂളിന് സമീപം ഫ്രൂട്ട്സ് കടയും പലചരക്ക് കടയും നടത്തുകയാണ് പിതാവ് ചന്ദ്രൻ. ‘അമ്മ സുജാത. സഹോദരി ശ്വേധിക.