ദ്വിദിന സഹവാസ ക്യാമ്പ് “ഒപ്പം 24”, ആരംഭിച്ചു

ഇരിങ്ങാലക്കുട : ഗവ. മോഡൽ ബോയ്സ് ഹയർ സെക്കന്ററി സ്കൂളിന്റെ സ്കൂൾ സോഷ്യൽ സർവീസ് സ്കീമിന്റെ (SSS) ദ്വിദിന സഹവാസ ക്യാമ്പ് “ഒപ്പം 24”, ആരംഭിച്ചു. ഇരിങ്ങാലക്കുട നഗരസഭ ചെയർപേഴ്സൺ മേരിക്കുട്ടി ജോയ് ക്യാമ്പ് ഉദ്ഘാടനം ചെയ്തു. നഗരസഭ വൈസ് ചെയർമാൻ ബൈജു കുറ്റിക്കാടൻ അധ്യക്ഷനായി. ഇരിങ്ങാലക്കുട വിദ്യാഭ്യാസ ജില്ലാ ഓഫീസർ ഷൈല ടി സന്ദേശം നൽകി.

നഗരസഭ സ്റ്റാന്റിംഗ് കമ്മിറ്റി ചെയർമാൻമാരായ ജയ്സൺ പാറേക്കാടൻ, ഫെനി എബിൻ വെള്ളാനിക്കാരൻ
എംപിടി എ പ്രസിഡന്റ് സുനിത രമേശൻ , വിഎച്ച്എസ് സി വിഭാഗം സൂരജ് , ക്യാമ്പ് കോ ഓർഡിനേറ്റർ ഷാജു മാസ്റ്റർ എന്നിവർ ആശംസകൾ നേർന്ന് സംസാരിച്ചു. ചടങ്ങിൽ പ്രധാനാധ്യാപിക ലത ടി കെ സ്വാഗതവും സ്‌റ്റുഡന്റ് കോഓർഡിനേറ്റർ യദു നന്ദിയും പറഞ്ഞു.

രണ്ട് ദിവസം നീളുന്ന ക്യാമ്പിൽ സുധീഷ് അമ്മവീട് അവതരിപ്പിക്കുന്ന കഥയും പറച്ചിലും നാടകവും, യോഗ, ഇരിങ്ങാലക്കുട ഫയർ & റെസ്ക്യൂ ഓഫീസ് സന്ദർശനം, മാലിന്യ സംസ്കരണം, നാടൻ കളികൾ എന്നിവയും സംഘടിപ്പിക്കപ്പെട്ടിട്ടുണ്ട്. ശനിയാഴ്ച വൈകീട്ട് 4:30 ന് ക്യാമ്പ് സമാപിക്കും.