ക്രൈസ്റ്റ് എൻജിനീയറിങ് കോളേജിൽ മെറിറ്റ് ഡേ

ഇരിങ്ങാലക്കുട : ക്രൈസ്റ്റ് എൻജിനീയറിങ് കോളേജിൽ മെറിറ്റ് ഡേ ആഘോഷിച്ചു. 2023-24 ഈവൻ സെമസ്റ്റർ സർവകലാശാല പരീക്ഷയിൽ മികച്ച വിജയം നേടിയവർ, ഇൻ്റർ കോളേജ് മത്സരങ്ങളിൽ ജേതാക്കളായവർ, മികവ് പുലർത്തിയ അധ്യാപകർ എന്നിവരെ ആദരിച്ചു.

ഹൈലൈറ്റ് ഗ്രൂപ്പ് അസിസ്റ്റൻ്റ് ഡയറക്ടർ നിജിൻ മുഹമ്മദ്, വൈറ്റ് മട്രിക്സ് ചീഫ് ഓപ്പറേറ്റിങ് ഓഫീസർ കെ എ യദുകൃഷ്ണൻ എന്നിവർ മുഖ്യാതിഥികളായിരുന്നു. വിവിധ ഇൻ്റേൺഷിപ്പ്, പ്ലേസ്മെൻ്റ് അവസരങ്ങളെക്കുറിച്ച് അവർ സംവദിച്ചു.

ഫാ. ജോൺ പാലിയേക്കര സി എം ഐ അധ്യക്ഷത വഹിച്ച സമ്മേളനത്തിൽ പ്രിൻസിപ്പൽ ഡോ. സജീവ് ജോൺ, വൈസ് പ്രിൻസിപ്പൽ ഡോ. വി ഡി ജോൺ അക്കാദമിക് ഡയറക്ടർ ഡോ. മനോജ് ജോർജ് എന്നിവർ പ്രസംഗിച്ചു.