പ്രഥമ മുരിങ്ങൂരപ്പൻ പുരസ്കാരം കൂടിയാട്ടം നങ്ങ്യാർകൂത്ത് കലാകാരി ഡോ. അപർണ നങ്ങ്യാർക്ക്

ഇരിങ്ങാലക്കുട : മുരിങ്ങൂർ നരസിംഹമൂർത്തി ക്ഷേത്രം നൽകുന്ന പ്രഥമ മുരിങ്ങൂരപ്പൻ പുരസ്കാരത്തിന് ഡോ. അപർണ നങ്ങ്യാരെ തിരഞ്ഞെടുത്തു. കഴിഞ്ഞ 25 വർഷമായി കൂടിയാട്ടം നങ്ങ്യാർകൂത്ത് രംഗത്ത് പ്രവർത്തിച്ചു വരുന്ന അപർണ്ണയുടെ ഈ കലാരംഗത്തുള്ള സംഭാവനകളെ മാനിച്ചാണ്’ ഈ പുരസ്കാരത്തിന് തിരഞ്ഞെടുത്തത്.

നരസിംഹജയന്തിയാഘോഷത്തോടനുബന്ധിച്ച് മെയ് 22 ന് മുരിങ്ങൂർ ക്ഷേത്രാങ്കണത്തിൽ വച്ച് ഗുരുവായൂർ ദേവസ്വം ചെയർമാൻ ഡോ. വിജയൻ അവാർഡ് സമർപ്പിക്കും. കാലടി ശ്രിശങ്കര കോളേജിലെ അസി. പ്രൊഫസറായ അപർണ ഇരിങ്ങാലക്കുട അമ്മന്നൂർ ഗുരുകുലത്തിലെ കൂടിയാട്ടം കലാകാരിയാണ്.