വാഹനാപകടത്തിൽപ്പെട്ട ബൈക്ക് മോഷ്ടിച്ച യുവാക്കൾ റിമാന്റിൽ

വാഹനാപകടത്തിൽപ്പെട്ട ബൈക്ക് മോഷ്ടിച്ച യുവാക്കൾ അറസ്റ്റിലായി. സാമൂഹ്യ വിരുദ്ധ പ്രവർത്തനങ്ങൾ തടയുന്നതിനും മോഷണങ്ങൾ തടയുന്നതിന്റെയും ഭാഗമായി തൃശ്ശൂര്‍ റൂറല്‍ ജില്ല പോലീസ് മേധാവി ബി കൃഷ്ണ കുമാര്‍ IPS ന്റെ മാർഗനിർദേശാനുസരണം നടന്ന് വരുന്ന രാത്രികാല പട്രേളിഗിനിടയിൽ വാടാനപ്പിള്ളി പോലീസ് ചേറ്റുവ ഭാഗത്ത് വെച്ചാണ് കുന്ദംകുളം, ചെച്ചന്നൂർ സ്വദേശിയായ കണ്ടിരിത്തി വീട്ടിൽ പൊടി എന്ന് വിളിക്കുന്ന ആദിത്യൻ (19), പോർക്കളം, കല്ലേഴിക്കുന്ന് സ്വദേശിയായ കറുത്തപടി വീട്ടിൽ ദീപു (19) എന്നിവരാണ് മോഷ്ടിച്ച ബൈക്കുമായി പിടിയാലായത്.

വാടനപ്പിള്ളി പോലീസ് സ്റ്റേഷനിൽ പരിധിയിൽ ചേറ്റുവ ഭാഗത്ത് ശനിയാഴ്ച പുലർച്ചെ 3 മണിയോടെ വാഹന പരിശോധന നടത്തി വരവെ ഒരു ബൈക്ക് ഹെഡ് ലൈറ്റ് ഇടാതെ ഓടിച്ചിവരുന്നതായി കാണപ്പെട്ട് ബൈക്ക് നിർത്തിച്ച് ബൈക്കിൽ ഉണ്ടായിരുന്നവരെ ചോദ്യം ചെയ്തതിൽ പരസ്പരവിരുദ്ധമായ കാര്യങ്ങൾ പറഞ്ഞതിനാൽ ബൈക്കിന്റെ രജിസ്ട്രേഷൻ പരിശോധിച്ച് ഉടമസ്ഥന്റെ ഫോൺ ശേഖരിച്ച് അന്വേഷിച്ചതിലാണ് കഴിഞ്ഞാഴ്ച വാഹനാപകടത്തിൽപ്പെട്ട് ചൊവ്വന്നൂർ എന്ന സ്ഥലത്ത് ഒരു വീടിന്റെ പോർച്ചിൽ കയറ്റി വെച്ചിരുന്ന ബൈക്കാണ് ഇവർ മോഷ്ടിച്ച് കൊണ്ട് വരുന്നത് എന്ന് മനസിലാക്കി അവരെ അറസ്റ്റ് ചെയ്തത്.

വാടാനപ്പിള്ളി പോലീസ് സ്റ്റേഷൻ ഗ്രേഡ് എ എസ് ഐ, രഘുനാഥൻ, ഗ്രേഡ് സീനിയർ സിവിൽ പോലീസ് ഓഫീസർ വിനോദ്, സിവിൽ പോലീസ് ഓഫീസർ രാഗേഷ് എന്നിവരാണ് പട്രോളിഗ് സംഘത്തിൽ ഉണ്ടായിരുന്നത്.