ഇന്ത്യൻ റെഡ്‌ക്രോസ് സൊസൈറ്റിയും ഇരിങ്ങാലക്കുട ക്രൈസ്റ്റ് കോളേജും ധാരണാപത്രം ഒപ്പിടലും യൂത്ത് റെഡ്‌ക്രോസ് യൂണിറ്റ് ഉദ്ഘാടനവും മാർച്ച് 25 രാവിലെ 10:30ന് ക്രൈസ്റ്റ് കോളേജിൽ

ഇരിങ്ങാലക്കുട : ഇന്ത്യൻ റെഡ്‌ക്രോസ് സൊസൈറ്റിയും ഇരിങ്ങാലക്കുട ക്രൈസ്റ്റ് കോളേജും തമ്മിലുള്ള ധാരണാപത്രം ഒപ്പുവെക്കൽ ചടങ്ങ് മാർച്ച് 25ന് രാവിലെ 10:30 ന് ഇരിങ്ങാലക്കുട ക്രൈസ്റ്റ് കോളേജിൻ്റെ യൂത്ത് റെഡ്‌ക്രോസ് യൂണിറ്റ് രൂപീകരണത്തോടൊപ്പം ക്രൈസ്റ്റ് കോളേജിൽ വെച്ച് നടക്കും എന്ന് പത്രസമ്മേളനത്തിൽ ക്രൈസ്റ്റ് കോളേജ് മാനേജർ ഫാദർ ജോയ് പീനിക്കപ്പറമ്പിൽ, അഡ്വ. എം എസ് അനിൽകുമാർ (ചെയർമാൻ, ഐആർസിഎസ് തൃശൂർ ജില്ലാ ബ്രാഞ്ച്), പ്രവീൺ അയ്‌നിക്കത്തറ (കോ-ഓർഡിനേറ്റർ, YRC തൃശൂർ ജില്ല ) എന്നിവർ അറിയിച്ചു.


ഇന്ത്യൻ റെഡ് ക്രോസ് സൊസൈറ്റി ബേസിക് റെസ്‌പോണ്ടേഴ്‌സിൻ്റെ (ലോകത്തിലെ ഏറ്റവും അഡ്വാൻസ്ഡ് സിപിആർ ട്രെയിനിംഗ് ഓർഗനൈസേഷൻ) സഹകരിച്ച് സിപിആറിൽ (കാർഡിയോ പൾമനറി റെസസിറ്റേഷൻ) സൗജന്യ പരിശീലനം നൽകുകയും യൂത്ത് റെഡ് ക്രോസിലെ വിജയികളായ ഉദ്യോഗാർത്ഥികൾക്ക് സിപിആർ പരിശീലനം പൂർത്തിയാക്കിയ സർട്ടിഫിക്കറ്റുകൾ നൽകുകയും ചെയ്യും.

ഫാ. ജോയ് പീനിക്കപ്പറമ്പിൽ സിഎംഐ (മാനേജർ ക്രൈസ്റ്റ് കോളജ് )ഉദ്ഘാടനം ചെയ്യും. അഡ്വ. എം എസ് അനിൽകുമാർ (ചെയർമാൻ, ഐആർസിഎസ് തൃശൂർ ജില്ലാ ബ്രാഞ്ച്) അധ്യക്ഷത വഹിക്കും. കിരൺ എൻ എം ഡയറക്ടർ ബേസിക് റെസ്‌പോണ്ടേഴ്‌സും ടെക്‌നിക്കൽ എക്‌സ്‌പർട്ടും മുഖ്യാതിഥിയായി പങ്കെടുക്കും.