ശ്രാവണപ്പൂക്കൾ പ്രകാശനം ചെയ്തു

ഇരിങ്ങാലക്കുട : ഖാദർ പട്ടേപ്പാടം വരികളെഴുതിയ ഓണപ്പാട്ട് ‘ശ്രാവണപ്പൂക്കൾ’ ഉന്നത വിദ്യാഭ്യാസ- സാമൂഹ്യ നീതി വകുപ്പ് മന്ത്രി ഡോ. ആർ. ബിന്ദു പ്രകാശനം ചെയ്തു. ഡോ. കെ. രാജേന്ദ്രൻ ഏറ്റുവാങ്ങി. കെ.എൻ. സുരേഷ് കുമാർ അധ്യക്ഷത വഹിച്ച ചടങ്ങിൽ മുരളി നടയ്ക്കൽ, അംബുജാക്ഷി രാമൻ എന്നിവർ സംസാരിച്ചു.

ആർ.എൻ. രവീന്ദ്രൻ സംഗീത സംവിധാനം നിർവ്വഹിച്ച ഗാനം ആലപിച്ചിരിക്കുന്നത് യുവഗായിക ആര്യാലക്ഷ്മിയാണ്. എം.സി. ഓഡിയോസാണ് ഓണപ്പാട്ട് ശ്രോതാക്കളിലെത്തിക്കുന്നത്.