പട്ടേപ്പാടം സ്കൂൾ വാർഷികവും യാത്രയയപ്പും : തീം സോങ്ങ് പ്രകാശനം ചെയ്തു

പട്ടേപ്പാടം : ഏപ്രിൽ 4 ന് നടക്കുന്ന പട്ടേപ്പാടം സ്കൂൾ 97-ാം വാർഷികാഘോഷവും പ്രധാനാധ്യാപിക ലാലി ടീച്ചർക്ക് യാത്രയയപ്പും പ്രമാണിച്ച് പൂർവ്വവിദ്യാർത്ഥികൾ ഒരുക്കിയ തീം സോങ്ങ് വെള്ളാങ്ങല്ലൂർ ബ്ലോക്ക് പഞ്ചായത്ത് പ്രസിഡൻ്റ് സുധ ദിലീപ് പ്രകാശനം ചെയ്തു.

ചടങ്ങിൽ പഞ്ചായത്ത് മെമ്പർ കെ.കെ.യൂസഫ് അധ്യക്ഷത വഹിച്ചു. കെ.കെ. ചന്ദ്രശേഖരൻ, സിദ്ധാർത്ഥൻ പട്ടേപ്പാടം, കെ.എസ്. മുജീബ് റഹ്മാൻ, പി.എസ്. ശങ്കരൻ, പി.വി. മനോഹരൻ, കെ.സി. കവിത, അനിഷ സജീവൻ എന്നിവർ സംസാരിച്ചു.

ഖാദർ പട്ടേപ്പാടം രചിച്ച വരികൾക്ക് ആർ.എൻ. രവീന്ദ്രനാണ് ഈണം പകർന്നത്. വിഷ്ണു മോഹൻ, ജെബി സുരേഷ്, രവീന്ദ്രൻ, ഗിരിപ്രിയ എന്നിവരുടേതാണ് ആലാപനം.