ക്ഷീരസംഘങ്ങളിൽ പാൽ അളക്കുന്നവർക്ക് കാലിത്തീറ്റ സബ്സിഡി നിരക്കിൽ നൽകി

ഇരിങ്ങാലക്കുട : ഇരിങ്ങാലക്കുട ബ്ലോക്ക് പഞ്ചായത്ത് 2024-25 വാർഷിക പദ്ധതിയിൽ ഉൾപ്പെടുത്തി ബ്ലോക്ക് പരിധിയിലെ ക്ഷീരസംഘങ്ങളിൽ പാൽ അളക്കുന്നവരിൽ നിന്ന് തിരഞ്ഞെടുത്തവർക്ക് 9 ലക്ഷം ചിലവഴിച്ച് കാലിത്തീറ്റ സബ്സിഡി നിരക്കിൽ നൽകുന്നതിൻ്റെ ഉദ്ഘാടനം പ്രസിഡൻ്റ് ലളിത ബാലൻ ഉദ്ഘാടനം നിർവഹിച്ചു.

ബ്ലോക്ക് പഞ്ചായത്ത് വൈസ് പ്രസിഡൻ്റ് കെ.എസ്.രമേഷ് അദ്ധ്യക്ഷത വഹിച്ചു. ജില്ലാ പഞ്ചായത്ത് വൈസ് പ്രസിഡൻ്റ് ലത ചന്ദ്രൻ മുഖ്യാതിഥി ആയി പങ്കെടുത്തു. വികസന കാര്യ ചെയർപേഴ്സൺ സുനിത മനോജ് സ്വാഗതവും , ക്ഷീര വികസന ഓഫീസർ ഗായത്രി കെ.എസ് നന്ദിയും രേഖപ്പെടുത്തി.