നന്ദഗോവിന്ദം ഭജൻസിൻ്റെ സാന്ദ്രാനന്ദലയം പരിപാടിയുടെ വഴിപാട് സമർപ്പണ ചടങ്ങ് ചെറുമുക്ക് ക്ഷേത്ര നടയിൽ നടന്നു

ഇരിങ്ങാലക്കുട : ചെറുതൃക്കോവിൽ ക്ഷേത്രക്ഷേമ സമിതിയുടെ ആഭിമുഖ്യത്തിൽ ശ്രീ കൂടൽമാണിക്യം കൊട്ടിലാക്കൽ പറമ്പിൽ മെയ് 31 ന് വൈകീട്ട് നടക്കുന്ന നന്ദഗോവിന്ദം ഭജൻസിൻ്റെ സാന്ദ്രാനന്ദലയം പരിപാടിയുടെ സവിശേഷമായ സംഭാവന/ വഴിപാട് സമർപ്പണ ചടങ്ങ് ചെറുമുക്ക് ക്ഷേത്ര മുറ്റത്ത് നടന്നു.

ശിവരാമൻ ഇളയിടത്ത് (പൗർണ്ണമി, ഇരിങ്ങാലക്കുs) , കെ.കെ. മേനോൻ (കാവ്യ, ഇരിങ്ങാലക്കുട) എന്നിവർ ‘ഭജന സന്ധ്യ’ ഭംഗിയാകുവാൻ സംഭാവന നൽകി. ചെറുമുക്ക് ക്ഷേത്രം മേൽശാന്തി പുരുഷോത്തമൻ നമ്പൂതിരിയുടെ സാന്നിധ്യത്തിൽ ശ്രീ കൂടൽമാണിക്ക്യം മേൽശാന്തി പുത്തില്ലത്ത് നീലകണ്ഠൻ നമ്പൂതിരി ഏറ്റുവാങ്ങി.

ജയശങ്കർ ചക്കഞ്ചാത്ത്, പുരുഷോത്തമൻ, ശിവദാസ് പള്ളിപ്പാട്ട്, ഇ ജയരാമൻ, കൊച്ചുഗോവിന്ദൻ മാഷ് , നിഷാ മേനോൻ എന്നിവർ നേതൃത്വം നൽകി. ചടങ്ങിന് രാധാകൃഷ്ണൻ വി പി സ്വാഗതവും ശ്രീദേവി ബിനു നന്ദിയും പറഞ്ഞു.

The offering ceremony for the Sandranandalayam program of Nandagovindam Bhajans was held at the Cherumukku temple.