മുരിയാട് ഗ്രാമപഞ്ചായത്തിൽ വാഴ ഗ്രാമം പദ്ധതി

മുരിയാട് : മുരിയാട് ഗ്രാമപഞ്ചായത്ത്‌ മൂന്നാം നൂറു ദിന കർമ്മ പരിപാടിയുടെ ഭാഗമായി വാഴ ഗ്രാമം പദ്ധതി ആരംഭിച്ചു. 125 ൽ പരം കർഷകർക്ക് പദ്ധതിയുടെ ആനുകൂല്യം ലഭിക്കും. ടിഷ്യൂ കൾച്ചർ വാഴ തൈ – ജൈവവളം വിതരണം മുരിയാട് ഗ്രാമപഞ്ചായത്ത് വൈസ് പ്രസിഡന്റ്‌ രതിഗോപി നിർവഹിച്ചു.

സ്റ്റാൻഡിങ് കമ്മിറ്റി ( ആരോഗ്യം ) ചെയർമാൻ വിജയൻ കെ യു അധ്യക്ഷത വഹിച്ച യോഗത്തിൽ വാർഡ് മെമ്പർമാർ ശ്രീജിത്ത് പട്ടത്ത്. എ.എസ്. സുനിൽകുമാർ, മണി സജയൻ, നിത അർജുനൻ, വൃന്ദകുമാരി, ജിനി, കൃഷി അസിസ്റ്റർഡ് നിതിൻ രാജ് എന്നിവർ സന്നിഹിതരായി.