താണിശ്ശേരി : സി.പി.ഐ തൃശൂർ ജില്ലാ സമ്മേളന പ്രചരണാർത്ഥം സി.പി.ഐ കാറളം ലോക്കൽ കമ്മിറ്റിയുടെ നേതൃത്വത്തിൽ മൂന്നാമത് അനുബന്ധ പരിപാടി ജില്ലാ സമ്മേളന ലോക്കൽ സംഘാടക സമിതിയും കേരള മഹിളാ സംഘം കാറളം പഞ്ചായത്ത് കമ്മിറ്റിയും ചേർന്ന് സംഘടിപ്പിച്ചു. വനിതകളുടെ കൈകൊട്ടികളിയും ഫുഡ് ഫെസ്റ്റും താണിശ്ശേരി മാപ്പിൾ വെന്യൂ ഓഡിറ്റോറിയത്തിലാണ് സംഘടിപ്പിച്ചത്.
പരിപാടി കേരള മഹിളാസംഘം ജില്ലാ സെക്രട്ടറി കെ.എസ് ജയ ഉദ്ഘാടനം ചെയ്തു. സിപിഐ ലോക്കൽ സെക്രട്ടറി എം. സുധീർദാസ് അധ്യക്ഷത വഹിച്ച യോഗത്തിൽ പ്രശസ്ത സിനിമ നാടക താരം സിജി പ്രദീപ് മുഖ്യ പ്രഭാഷണം നടത്തി. സി.പി.ഐ മണ്ഡലം സെക്രട്ടറി എൻ.കെ ഉദയപ്രകാശ് അഭിവാദ്യം ചെയ്തു.
കേരള മഹിളാസംഘം പഞ്ചായത്ത് സെക്രട്ടറിയും കാറളം ഗ്രാമപഞ്ചായത്ത് പ്രസിഡന്റുമായ ബിന്ദു പ്രദീപ് സ്വാഗതം ആശംസിച്ചു. സിപിഐ മണ്ഡലം കമ്മിറ്റി അംഗം കെ.എസ് ബൈജു, ജില്ലാ പഞ്ചായത്ത് അംഗം ഷീല അജയഘോഷ്, കേരള മഹിളാസംഘം ജോയിന്റ് സെക്രട്ടറി അംബിക സുഭാഷ് തുടങ്ങിയവർ സംസാരിച്ചു.
അപ്ഡേറ്റുകൾ വേഗത്തിലറിയാൻ ഇരിങ്ങാലക്കുട ലൈവ് ഫോളോ ചെയ്യൂ …
https://www.facebook.com/irinjalakuda
▪ join WhatsApp News Group
https://chat.whatsapp.com/Hel1Dv5wip3BpeVF9p0LXb
▪ subscribe YouTube channel
https://www.youtube.com/@irinjalakudanews
▪ follow Instagram
https://www.instagram.com/irinjalakudalive
