ഇരിങ്ങാലക്കുട : ഈ വർഷത്തെ എസ്എസ്എൽസി, പ്ലസ് ടു പരീക്ഷയിൽ ഇരിങ്ങാലക്കുടയിൽ നൂറുമേനി വിജയം കൈവരിച്ച വിദ്യാലയങ്ങളെയും എ പ്ലസ് നേട്ടം കൊയ്ത വിദ്യാർത്ഥി പ്രതിഭകളെയും ജൂൺ 8 ശനിയാഴ്ച ആദരിക്കുമെന്ന് ഉന്നത വിദ്യാഭ്യാസ- സാമൂഹ്യനീതി മന്ത്രി ഡോ. ആർ ബിന്ദു പറഞ്ഞു. ചടങ്ങിൽ ഇവർക്കുള്ള ഉന്നതവിദ്യാഭ്യാസ-സാമൂഹ്യനീതി മന്ത്രിയുടെ നിയോജകമണ്ഡലംതല പുരസ്കാര സമർപ്പണം മന്ത്രി ഡോ. ആർ ബിന്ദു നിർവ്വഹിക്കും.
ഇരിങ്ങാലക്കുട ടൗൺഹാളിലാണ് പ്രതിഭകൾക്ക് ‘ആദരം’ അർപ്പിക്കുക. ഉച്ചതിരിഞ്ഞ് 1.30 ന് ആരംഭിക്കുന്ന പരിപാടിയിൽ ഐ എസ് ആർ ഒ മുൻ ചെയർമാൻ ഡോ. കെ രാധാകൃഷ്ണൻ മുഖ്യാതിഥിയായിരിക്കും. പ്രശസ്തിപത്രവും ഫലകവും അടങ്ങുന്നതാണ് പുരസ്കാരം.
ഇരിങ്ങാലക്കുട മണ്ഡലത്തിലെ സ്ഥിരതാമസക്കാരും മണ്ഡലത്തിന് അകത്തോ പുറത്തോ ഉള്ള സ്കൂളുകളിൽ സംസ്ഥാന സിലബസിൽ പ്ലസ് ടു, എസ്എസ്എൽസി പരീക്ഷകളിൽ എല്ലാ വിഷയങ്ങളിലും എ പ്ലസ് നേടിയവരുമായ വിദ്യാർത്ഥികൾക്കാണ് പ്രതിഭാപുരസ്കാരം സമർപ്പിക്കുന്നത്. നൂറു ശതമാനം വിജയം കൈവരിച്ച വിദ്യാലയങ്ങളെയും പ്ലസ് ടുവിന് മൂന്നു സ്ട്രീമുകളിലും ഏറ്റവും കൂടുതൽ വിദ്യാർത്ഥികളെ പരീക്ഷയ്ക്കിരുത്തി വിജയിപ്പിച്ച വിദ്യാലയത്തെയും ഇതോടൊപ്പം പ്രത്യേക പുരസ്ക്കാരം നൽകി ആദരിക്കും.
ഉച്ചക്ക് 12 മണിക്ക് രജിസ്ട്രേഷൻ ആരംഭിക്കും. ഇരിങ്ങാലക്കുടയുടെ വിദ്യാഭ്യാസക്കുതിപ്പിലെ താരസ്ഥാപനങ്ങളെയും നാടിൻ്റെ ഭാവി വാഗ്ദാനങ്ങളെയും ആദരിക്കുന്ന ചടങ്ങിൽ എല്ലാ രക്ഷിതാക്കളുടെയും വിദ്യാഭ്യാസ പ്രവർത്തകരുടെയും സാന്നിധ്യമുണ്ടാവണം- മന്ത്രി ഡോ. ആർ ബിന്ദു പറഞ്ഞു.
അപ്ഡേറ്റുകൾ വേഗത്തിലറിയാൻ ഇരിങ്ങാലക്കുട ലൈവ് ഫോളോ ചെയ്യൂ …
https://www.facebook.com/irinjalakuda
▪ join WhatsApp News Group
https://chat.whatsapp.com/LHvranOVueb9L2MnR0w1SR
▪ subscribe YouTube channel
https://www.youtube.com/@irinjalakudanews
▪ follow Instagram
https://www.instagram.com/irinjalakudalive
പ്രാദേശിക വാർത്തകൾക്ക്
www.irinjalakudaLIVE.com