ഇരിങ്ങാലക്കുട : കേന്ദ്ര സംഗീത നാടക അക്കാദമിയുടെ 2019 വർഷത്തെ മോഹിനിയാട്ടത്തിന് പുരസ്കാരം നേടിയ ഗുരു നിർമ്മല പണിക്കർക്ക് തിങ്കളാഴ്ച ഇരിങ്ങാലക്കുട നടനകൈരളിയിൽ നടക്കുന്ന ചടങ്ങിൽ കേന്ദ്ര സംഗീത നാടക അക്കാദമി വൈസ് ചെയർമാൻ ജോറാവർസിംഹ് ജാദവ് പുരസ്കാരം സമർപ്പിക്കും. 2019, 2020, 2021 വർഷത്തെ പുരസ്കാരം കേന്ദ്ര സാംസ്കാരിക മന്ത്രാലയം ഇത്തവണ ഒരുമിച്ചാണ് പ്രഖ്യാപിച്ചത്.
ഇരിങ്ങാലക്കുട നടനകൈരളി കൊട്ടിച്ചേതം സ്റ്റുഡിയോ തീയേറ്ററിൽ ഓഗസ്റ്റ് 28 തിങ്കളാഴ്ച രാവിലെ 11 മണിക്ക് കേന്ദ്ര സംഗീത നാടക അക്കാദമി നടത്തുന്ന ചടങ്ങിൽ കേരള സംഗീത നാടക അക്കാദമി ചെയർമാൻ മട്ടന്നൂർ ശങ്കരൻകുട്ടി മാരാർ, കേരള കലാമണ്ഡലം ഡീമ്ഡ് യൂണിവേഴ്സിറ്റി വൈസ് ചാൻസിലർ ഡോ. എം വി നാരായണൻ, പ്രിൻസിപ്പൽ സെക്രട്ടറി (ആരോഗ്യം ആൻഡ് വ്യവസായികം) മുഹമ്മദ് ഹനീഷ് ഐ.എ.എസ്, കേന്ദ്ര സാംസ്കാരിക വകുപ്പ് ഡയറക്ടർ ( അക്കാഡമിക്സ് ) അനീഷ് പി രാജൻ ഐ ആർ എസ്, തൃശ്ശൂർ റൂറൽ എസ് പി ഐശ്വര്യ ഡോങ്റെ ഐപിഎസ്, ഇരിങ്ങാലക്കുട നഗരസഭ ചെയർപേഴ്സൺ സുജ സഞ്ജീവ് കുമാർ, കേന്ദ്ര സംഗീത നാടക അക്കാദമി ന്യൂഡൽഹി ജനറൽ കൗൺസിൽ അംഗം വയലാർ ശരത് ചന്ദ്ര വർമ്മ, കേന്ദ്ര സംഗീതനാടക അക്കാദമി സെക്രട്ടറി രാജു ദാസ് എന്നിവർ ചടങ്ങിൽ സംബന്ധിക്കും.
ചടങ്ങിനെ തുടർന്ന് നിർമ്മല പണിക്കരുടെ ശിഷ്യരുടെ മോഹിനിയാട്ട അവതരണം ഉണ്ടായിരിക്കും.
അപ്ഡേറ്റുകൾ വേഗത്തിലറിയാൻ ഇരിങ്ങാലക്കുട ലൈവ് ഫോളോ ചെയ്യൂ …
https://www.facebook.com/irinjalakuda
▪ join WhatsApp News Group
https://chat.whatsapp.com/Hel1Dv5wip3BpeVF9p0LXb
▪ subscribe YouTube channel
https://www.youtube.com/@irinjalakudanews
▪ follow Instagram
https://www.instagram.com/irinjalakudalive
continue reading below...
continue reading below..
