വ്യാജ റെയ്ഡ്; മുഖ്യ സൂത്രധാരനായ ഗ്രേഡ് എ.എസ്.ഐ ഷഫീർ ബാബുവിനെ സസ്പെന്റ് ചെയ്തതായി റൂറൽ ജില്ലാ പോലിസ് മേധാവി

ഇരിങ്ങാലക്കുട : ഇ.ഡി. ഉ​ദ്യോഗസ്ഥൻ ചമഞ്ഞ് കർണാടകയിൽ റെയ്ഡ് നടത്തി കോടികൾ കവർന്ന കേസിലെ മുഖ്യ സൂത്രധാരൻ കൊടുങ്ങല്ലൂർ പോലീസ് സ്റ്റേഷനിലെ ഗ്രേഡ് അസിസ്റ്റൻറ് സബ്ബ് ഇൻസ്പെക്ടറായ ​ഷഫീർ ബാബുവിനെ ഫെബ്രുവരി 16 മുതൽ സസ്പെന്റ് ചെയ്ത് തൃശ്ശൂർ റൂറൽ ജില്ലാ പോലിസ് മേധാവി ബി കൃഷ്ണകുമാർ ഐ പി എസ് ഉത്തരവിറക്കി.

ദക്ഷിണ കന്നഡ ജില്ലയിലെ, വിറ്റല പോലീസ് സ്റ്റേഷനിൽ ഗുരുതര സ്വഭാവമുള്ള കേസിൽ ഉൾപ്പെട്ട് അറസ്റ്റ് ചെയ്തിട്ടുള്ളതിനാൽ ആണ് സസ്‌പെൻഷൻ എന്നാണ് ഉത്തരവിൽ. ഇരിങ്ങാലക്കുട ഡിവൈ.എസ്.പി.യുടെ ഡ്രൈവർ ആയിരിക്കെയാണ് സ്ഥലംമാറി ഷഹീർബാബു 2024 മാർച്ച് ഒന്നിന് കൊടുങ്ങല്ലൂർ സ്റ്റേഷനിൽ എത്തിയത്.