ആരോഗ്യത്തിലേക്ക് കൂട്ട നടത്തം

തുമ്പൂർ : വേളൂക്കര ഗ്രാമപഞ്ചായത്ത് പതിനൊന്നാം വാർഡ് ആരോഗ്യ സമിതിയുടെയും വേളൂക്കര കുടുംബാരോഗ്യ കേന്ദ്രത്തിന്റെയും സംയുക്താഭിമുഖ്യത്തിൽ, ജീവിതശൈലി രോഗ നിയന്ത്രണ ക്യാമ്പയിൻ ആയ ആരോഗ്യ ഗ്രാമം പദ്ധതിയുടെ ഭാഗമായി കൂട്ട നടത്തം സംഘടിപ്പിച്ചു.

ലോകാരോഗ്യ ദിനത്തിൽ തുമ്പൂരിൽ നടന്ന പരിപാടി ജില്ലാ പഞ്ചായത്ത് അംഗം പി.കെ ഡേവിസ് മാസ്റ്റർ ഉദ്ഘാടനം ചെയ്തു. വാർഡ് മെമ്പർ രഞ്ജിത ഉണ്ണികൃഷ്ണൻ അധ്യക്ഷത വഹിച്ചു. ആരോഗ്യ ഗ്രാമം പദ്ധതിയുടെ വിശദീകരണം ഹെൽത്ത് ഇൻസ്പെക്ടർ പ്രസാദ്.സി അവതരിപ്പിച്ചു. ജൂനിയർ ഹെൽത്ത് ഇൻസ്പെക്ടർ ലാലുമോൻ കെ.കെ, ജൂനിയർ പബ്ലിക് ഹെൽത്ത് നേഴ്സ് ദീപ.ആർ.നായർ എന്നിവർ സംഘാടന പ്രവർത്തനങ്ങൾക്ക് നേതൃത്വം നൽകി.