പൂമംഗലം ഗ്രാമപഞ്ചായത്തില്‍ മാലിന്യമുക്ത പഞ്ചായത്ത് പ്രഖ്യാപനം നടത്തി

പൂമംഗലം : മാലിന്യമുക്തം നവകേരളം പദ്ധതിയുടെ ഭാഗമായി പൂമംഗലം പഞ്ചായത്ത് തല പ്രഖ്യാപനം മാര്‍ച്ച് 30 അന്താരാഷ്ട്ര സീറോ വേസ്റ്റ് ദിനത്തില്‍ പൂമംഗലം ഗ്രാമപഞ്ചായത്ത് പ്രസിഡന്‍റ് കെ.എസ്.തമ്പിയുടെ അദ്ധ്യക്ഷതയില്‍ വെള്ളാങ്കല്ലൂര്‍ ബ്ലോക്ക് പഞ്ചായത്ത് പ്രസിഡന്‍റ് സുധ ദിലീപ് പ്രഖ്യാപന കര്‍മ്മം നിര്‍വ്വഹിച്ചു.

മാലിന്യമുക്ത പഞ്ചായത്ത് പ്രഖ്യാപനത്തിന്‍റെ ഭാഗമായി മാലിന്യ മുക്ത നവകേരളത്തിന്‍റെ സന്ദേശം അറിയിച്ചുകൊണ്ടുള്ള ഘോഷയാത്ര, പഞ്ചായത്തിലെ വിവിധ സ്ഥാപനങ്ങളെ ആദരിക്കല്‍ എന്നിവ സംഘടിപ്പിച്ചു.

ബ്ലോക്ക് വൈസ് പ്രസിഡൻ്റ് ഉണ്ണികൃഷ്ണൻ കുറ്റി പറമ്പിൽ , സ്റ്റാന്‍റിംഗ് കമ്മിറ്റി ചെയർമാൻമാരായ ചെയര്‍മാന്‍ ടി എ സന്തോഷ്, കത്രീനാ ജോർജ്ജ്, ഹൃദ്യാ അജീഷ് , ബ്ലോക്ക് മെമ്പർ രഞ്ജിനി ശ്രീകുമാർ, വാർഡ് മെമ്പർമാരായ ജയരാജ് കെ.എന്‍, സന്ധ്യ വിജയന്‍, ലാലി വര്‍ഗ്ഗീസ് , സി. ഡി.എസ്.ചെയർപേഴ്സൺ അഞ്ചു രാജേഷ് എന്നിവർ ആശംസകൾ നേർന്ന് സംസാരിച്ചു.

എടക്കുളം ചെമ്പഴന്തി ഹാളില്‍ വച്ച് നടന്ന ചടങ്ങില്‍ പൂമംഗലം ഗ്രാമപഞ്ചായത്ത് വൈസ് പ്രസിഡന്‍റ് കവിത സുരേഷ് സ്വാഗതവും സെക്രട്ടറി ഷാബു. പി.വി നന്ദിയും പറഞ്ഞു.