കാലിക്കറ്റ് യൂണിവേഴ്സിറ്റി വനിത ഇന്റർ സോൺ വോളിബോൾ ചാമ്പ്യൻഷിപ്പിൽ ഇരിങ്ങാലക്കുട സെന്റ് ജോസഫ് കോളേജ് 44-ാം തവണയും ചാമ്പ്യന്മാരായി

ഇരിങ്ങാലക്കുട : കാലിക്കറ്റ് യൂണിവേഴ്സിറ്റി വനിത ഇന്റർ സോൺ വോളിബോൾ ചാമ്പ്യൻഷിപ്പിൽ ഇരിങ്ങാലക്കുട സെന്റ് ജോസഫ് കോളേജ് ചാമ്പ്യന്മാരായി. കാലിക്കറ്റ് യൂണിവേഴ്സിറ്റി ചാമ്പ്യൻഷിപ്പുകളിൽ 44 തവണയാണ് ഇരിങ്ങാലക്കുട സെന്റ് ജോസഫ് കോളേജ് കാലിക്കറ്റ് വോളിബോൾ ചാമ്പ്യന്മാർ ആകുന്നത്.

ഫൈനൽ മത്സരത്തിൽ സെൻമേരിസ് കോളേജ് സുൽത്താൻബത്തേരിയെ (25-10, 25-12, 25-18) ഇന്ന് തോൽപ്പിച്ചാണ് സെന്റ് ജോസഫ് കോളേജ് ചാമ്പ്യൻമാരായത്.

മൂന്നാം സ്ഥാനത്തിന് വേണ്ടിയുള്ള മത്സരത്തിൽ നൈപുണ്യ കോളേജ് കറുകുറ്റി, എസ് എൻ കോളേജ് ചേളൂരിനെ (25-20, 21-25, 25-23, 29-27) ഇന്ന് തോൽപ്പിച്ച് മൂന്നാം സ്ഥാനം കരസ്ഥമാക്കി.

വിജയികൾക്ക് സെന്റ് ജോസഫ് കോളേജ് പ്രിൻസിപ്പൽ ഡോ. സിസ്റ്റർ ബ്ലെസി ട്രോഫികൾ സമ്മാനിച്ചു.

സെന്റ് ജോസഫ് കോളേജ് കായിക വകുപ്പ് മേധാവി ഡോ. സ്റ്റാലിൻ റാഫേൽ, കായിക വിഭാഗം അധ്യാപിക തുഷാര ഫിലിപ്പ്, ജനറൽ ക്യാപ്റ്റൻ സാമിയ എന്നിവർ സംസാരിച്ചു.