കൂടൽമാണിക്യം ക്ഷേത്രത്തിലെ ഇല്ലംനിറ ജൂലൈ 30ന് – കൊയ്ത്ത് ഉത്സവം 29ന്

ഇരിങ്ങാലക്കുട : ശ്രീ കൂടൽമാണിക്യം ക്ഷേത്രത്തിലെ ഇല്ലംനിറ ജൂലൈ 30 (1200 കർക്കിടകം 14) ബുധനാഴ്ച രാവിലെ 9:25 നും11:25 നും ഇടയ്ക്കുള്ള കന്നി രാശിയിൽ നകരമണ്ണ് ത്രിവിക്രമൻ നമ്പൂതിരിയുടെ മുഖ്യ കാർമികത്വത്തിൽ നടത്തുന്നു.

അന്നേദിവസം ക്ഷേത്രത്തിലെ എതൃത്ത് പൂജ രാവിലെ 6 മണിക്ക് നടക്കും. ഇല്ലം നിറയോടനുബന്ധിച്ചുള്ള കൊയ്ത്ത് ഉത്സവം ജൂലൈ 29 ചൊവ്വാഴ്ച രാവിലെ 9 മണിക്ക് നടത്തുന്നതാണ് എന്ന് ദേവസ്വം അഡ്മിനിസ്ട്രേറ്റർ അറിയിച്ചു.