ഇരിങ്ങാലക്കുട : ചിറ്റിലപ്പിള്ളി പൊഴോലിപ്പറമ്പിൽ കുടുംബയോഗത്തിന്റെ 32-ാം വാർഷികാഘോഷം വിവിധ പരിപാടികളോടെ നടത്തി. രാവിലെ നടന്ന പ്രാർത്ഥനാ ചടങ്ങുകൾക്ക് ശേഷം കുടുംബയോഗം പ്രസിഡന്റ് പി.എം. ആന്റുവിന്റെ അധ്യക്ഷതയിൽ ചേർന്ന പൊതുസമ്മേളനം രൂപത വികാരി ജനറാൾ മോൺസിഞ്ഞോർ ജോസ് മാളിയേക്കൽ ഉദ്ഘാടനം ചെയ്തു.
പാലക്കാട് രൂപത മുൻ വികാരി ജനറാൾ റവ. ഫാ. ജോസഫ് ചിറ്റിലപ്പിള്ളി മുഖ്യപ്രഭാഷണം നടത്തി. കുടുംബയോഗത്തിന്റെ ഭാഗമായി 75, 90 വയസ്സ് പൂർത്തിയാക്കിയ കുടുംബാംഗങ്ങളെയും, 50-ാം വിവാഹവാർഷികം പൂർത്തിയാക്കിയ ദമ്പതികളെയും ആദരിച്ചു. 2024–25, 2025–26 അധ്യയന വർഷങ്ങളിൽ എസ്.എസ്.എൽ.സി., പ്ലസ് ടു പരീക്ഷകളിൽ 90 ശതമാനവും അതിൽ കൂടുതലും മാർക്ക് നേടിയ വിദ്യാർത്ഥികൾക്ക് പുരസ്കാരങ്ങളും നൽകി. ഡിഗ്രി, പി.ജി. പരീക്ഷകളിൽ മികച്ച വിജയം നേടിയവരെയും പ്രൊഫഷണൽ ഡിഗ്രി നേടിയവരെയും ചടങ്ങിൽ ആദരിച്ചു.
വിവിധ മേഖലകളിൽ മികവ് തെളിയിച്ചവർക്കും പ്രത്യേക പുരസ്കാരങ്ങൾ നൽകി. കുടുംബയോഗത്തിലെ അംഗങ്ങളുടെയും വിവിധ തലമുറകളുടെയും സജീവ പങ്കാളിത്തത്തോടെ നടന്ന പരിപാടിയിൽ വൻ ജനപങ്കാളിത്തമാണ് ഉണ്ടായത്. കുടുംബാംഗങ്ങളുടെയും ബന്ധുക്കളുടെയും സുഹൃത്തുക്കളുടെയും സാന്നിധ്യം ആഘോഷത്തിന് കൂടുതൽ മാറ്റുകൂട്ടി.
കുടുംബബന്ധങ്ങൾ കൂടുതൽ ഊട്ടിയുറപ്പിക്കുന്നതിനും പുതുതലമുറയെ കുടുംബയോഗവുമായി കൂടുതൽ അടുപ്പിക്കുന്നതിനും ലക്ഷ്യമിട്ടായിരുന്നു പരിപാടികൾ സംഘടിപ്പിച്ചത്.
അപ്ഡേറ്റുകൾ വേഗത്തിലറിയാൻ ഇരിങ്ങാലക്കുട ലൈവ് ഫോളോ ചെയ്യൂ …
https://www.facebook.com/irinjalakuda
▪ join WhatsApp Channel
https://whatsapp.com/channel/0029Va4ic6cBKfhytWZQed3O
▪ join WhatsApp News Group
https://chat.whatsapp.com/K3Ng4NRYDBR7baLXByhAEa
▪ subscribe YouTube channel
https://www.youtube.com/@irinjalakudanews
▪ follow Instagram
https://www.instagram.com/irinjalakudalive
