അറവ് മാലിന്യം റോഡരികുകളിൽ വ്യാപകമായി തളളുന്നതായി പരാതി

പടിയൂർ : പടിയൂർ ഗ്രാമപഞ്ചായത്തിലെ ഷൺമുഖം കനാൽ സൌത്ത് ഈസ്റ്റ് റോഡ് പടിയൂർ പൂമംഗലം അതിർത്തി പ്രദേശത്ത് അറവ് മാലിന്യം വ്യാപകമായി തളളുന്നതായി പരാതി. ഈ പ്രദേശം ഷൺമുഖം കനാലും, പാടശേഖരവും ഉൾക്കൊളളുന്ന പ്രദേശമാണ്. ജനതാമസം കുറവുളള ഈ പ്രദേശം നിരന്തരമായി മാലിന്യം തളളുന്ന പ്രദേശമായിരിക്കുകയാണ്.

കൂടാതെ സാമൂഹ്യവിരുദ്ധരുടെ താമസമായി മാറുന്നതായി പ്രദേശവാസികൾ അറിയിച്ചു. ഈ പ്രദേശം അടിയന്തിരമായി വൃത്തിയാക്കുമെന്നും പ്രദേശത്ത് നിരീക്ഷണ ക്യാമറ സ്ഥാപിക്കുമെന്നും, മാലിന്യം തളളിയവരെ കണ്ടെത്തുന്നതിനായി പോലിസിൽ പരാതി നൽകിയിട്ടുണ്ടെന്നും ഇതിനെതിരെ കർശനനടപടി സ്വീകരിക്കുമെന്നും പടിയൂർ ഗ്രാമപഞ്ചായത്ത് പ്രസിഡൻറ് കെ പി കണ്ണൻ അറിയിച്ചു.