തൃശ്ശൂരില്‍ ലീഡ് ഉയർത്തി സുരേഷ് ഗോപി; വിജയം ഉറപ്പിച്ച് ഇരിങ്ങാലക്കുട ബി.ജെ.പി ആസ്ഥാനത്ത് ലഡു വിതരണം ആരംഭിച്ചു

ഇരിങ്ങാലക്കുട : 73,000 ത്തിൽ അധികം ലീഡുമായി തൃശ്ശൂരില്‍ സുരേഷ് ഗോപി മുന്നേറുമ്പോൾ ഇരിങ്ങാലക്കുടയിൽ ബി ജെ പി പ്രവർത്തകർ രാവിലെ 11 മണിയോടെ തന്നെ ആഘോഷങ്ങൾ ആരംഭിച്ചു. ബി.ജെ.പി. കേരളത്തില്‍ ഏറ്റവും കൂടുതല്‍ പ്രതീക്ഷ അര്‍പ്പിക്കുന്ന മണ്ഡലമാണ് തൃശ്ശൂര്‍. ആ പ്രതീക്ഷ ശരിവെക്കുന്ന രീതിയിലാണ് സുരേഷ് ഗോപിയുടെ ലീഡ് ഉയരുന്നതും. എല്‍.ഡി.എഫിന്റെ വി.എസ്. സുനില്‍കുമാറാണ് രണ്ടാംസ്ഥാനത്ത്. യു.ഡി.എഫ്. സ്ഥാനാര്‍ഥി കെ. മുരളീധരന്‍ മൂന്നാംസ്ഥാനത്താണ്.

ഇരിങ്ങാലക്കുട ബിജെപി മണ്ഡലം ആസ്ഥാനത്ത് പ്രവർത്തകർ ലഡുവിതരണം ആരംഭിച്ചു. നഗരം ചുറ്റി ആഘോഷപ്രകടനങ്ങളും ആരംഭിച്ചു.