നേത്ര തിമിര പരിശോധന ക്യാമ്പ് നടത്തി

ഇരിങ്ങാലക്കുട: ഇരിങ്ങാലക്കുട സേവാഭാരതിയും ഐ ഫൌണ്ടേഷൻ ആശുപത്രിയുമായി സഹകരിച്ച് മാസം തോറും നടത്തി വരുന്ന നേത്ര തിമിര പരിശോധന ക്യാമ്പ് എസ്.എൻ.ഡി.പി യൂത്ത് മൂവ്മെന്റ് മുകുന്ദപുരം താലൂക്ക് സെക്രട്ടറി വിജിൽ ഉദ്‌ഘാടനം ചെയ്തു.

സേവാഭാരതി ഓഫീസിൽ വച്ച് നടന്ന ചടങ്ങിൽ ലയൺസ്‌ ക്ലബ് അഡ്‌വൈസർ ജോൺസൻ കോലങ്കണ്ണി , ഇരിങ്ങാലക്കുട സേവാഭാരതി പ്രസിഡന്റ് നളിൻ ബാബു, ഐ ഫൌണ്ടേഷൻ പി.ആർ.ഒ ശിവൻ എന്നിവർ പങ്കെടുത്തു. ഇരിങ്ങാലക്കുട സേവാഭാരതി മെഡിസെൽ കൺവീനർ സുരേഷ് ഒ.എൻ, ഹരികുമാർ തളിയകാട്ടിൽ, ജഗദീഷ് പണിക്കവീട്ടിൽ, മിനി സുരേഷ്, കവിത, സൗമ്യ എന്നിവർ ക്യാമ്പിന് നേതൃത്വം നൽകി.