ആനന്ദപുരത്തെ ആയുർവേദ ആശുപത്രിക്ക് പുതിയ കെട്ടിടം ഉയരുന്നു

മുരിയാട് : 100 ദിന കർമ്മ പദ്ധതിയുടെ ഭാഗമായി മുരിയാട് ഗ്രാമപഞ്ചായത്തിന്‍റെ ആനന്ദപുരത്തെ ആയുർവേദ ആശുപത്രിക്ക് പുതിയ കെട്ടിടം നിർമ്മിക്കുന്നു. ജനകീയ ആസൂത്രണ പദ്ധതിയിൽ ഉൾപ്പെടുത്തി 21 ലക്ഷം രൂപ ചില വഴിച്ച് ആദ്യ ഘട്ട കെട്ടിടം ഉയരുന്നത് .

കെട്ടിടത്തിന്റെ കല്ലിടൽ കർമ്മം പ്രസിഡന്റ് ജോസ്. ജെ. ചിറ്റിലപ്പിള്ളി നിർവ്വഹിച്ചു. വൈസ്.പ്രസിഡന്റ് രതി ഗോപി അദ്ധ്യക്ഷത വഹിച്ചു. ആരോഗ്യ വിദ്യാഭ്യാസ സ്റ്റേറ്റിംഗ് കമ്മിറ്റി ചെയർമാൻ കെ.യു. വിജയൻ , പഞ്ചായത്ത് സെക്രട്ടറി റെജി പോൾ , പഞ്ചായത്തംഗങ്ങളായ എഎസ്. സുനിൽ കുമാർ , നിജി വത്സൻ , നിഖിത അനൂപ് , മനീഷ മനീഷ്, മണി സജയൻ, സിഡിഎസ് ചെയർപേഴ്സൺ സുനിത രവി, ആയുർവേദ ആശുപത്രി സൂപ്രണ്ടന്റ് ഡോ. രഞ്ചിത്ത് നമ്പൂതിരി അസി. എക്സിക്യൂട്ടീവ് എഞ്ചിനീയർ സിമി സെബാസ്റ്റ്യൻ തുടങ്ങിയവർ ചടങ്ങിൽ സംസാരിച്ചു. ജൂൺ മാസത്തോടെ നിർമ്മാണം പൂർത്തി കരിക്കാൻ കഴിയുമെന്ന് പ്രതീക്ഷിക്കുന്നു.