വിദ്യാലയങ്ങളിൽ സാനിറ്റേഷൻ കോംപ്ലക്സിനായി 45 ലക്ഷം രൂപയുടെ പദ്ധതിയുമായി മുരിയാട് പഞ്ചായത്ത്

മുരിയാട് : ക്ലീൻ ഗ്രീൻ മുരിയാട് പദ്ധതിയുടെ ഭാഗമായി മുരിയാട് ഗ്രാമപഞ്ചായത്തിലെ മുഴുവൻ സർക്കാർ , എയ്ഡഡ് സ്കൂളുകളിലും സാനിറ്റേഷൻ കോംപ്ലക്സുകൾ നിർമ്മിക്കുന്നതിനായി ഗ്രാമപഞ്ചായത്ത് 45 ലക്ഷം രൂപയുടെ പദ്ധതി ആവിഷ്കരിച്ചു.

തുവൻകാട് UMLPS , പുല്ലൂർ SNBS LPS, ആനന്ദപുരം Govt ups ,ആനന്ദപുരം SKHSS , മുരിയാട് AUPS എന്നിവിടങ്ങളിലാണ് സാനിറ്റേഷൻ കോംപ്ലക്സുകൾ നിർമ്മിക്കുക. അഞ്ചിടങ്ങളിലും നിർമ്മാണം ആരംഭിച്ചു കഴിഞ്ഞു. പഞ്ചായത്ത്, ശുചിത്വ മിഷൻ , സ്കൂൾ വിഹിതം എന്നിവ സംയോജിപ്പിച്ച് കൊണ്ടാണ് പദ്ധതിക്കുള്ള ധനസമാഹരണം നടത്തിയിരിക്കുന്നത്.

നിർമ്മാണം പൂർത്തീകരിച്ച മൂന്ന് വിദ്യാലയങ്ങളിലെ സാനിറ്റേഷൻ കോംപ്ലക്സുകൾ പഞ്ചായത്ത് പ്രസിഡൻ്റ് ജോസ് ജെ ചിറ്റിലപ്പിള്ളി വിദ്യാലയങ്ങൾക്ക് സമർപ്പിച്ചു.

ആനന്ദപുരം ശ്രീകൃഷ്ണ ഹയർ സെക്കൻഡറി സ്കൂളിൽ നടന്ന ഉൽഘാടന ചടങ്ങിൽ MPTA പ്രസിഡൻ്റും പഞ്ചായത്തംഗവുമായ നിജി വത്സൻ അധ്യക്ഷതവഹിച്ചു. മാനേജർ വാസു മാഷ്, ഹെഡ്മാസ്റ്റർ അനിൽകുമാർ, പ്രിൻസിപ്പാൾ ലിയോ, പഞ്ചായത്തംഗം ശ്രീജിത്ത് പട്ടത്ത് എന്നിവർ സംസാരിച്ചു.

തുറവൻക്കാട് യു എം എൽ പി എസ് സ്കൂളിൽ വാർഡംഗം റോസ്മി ജയേഷ് അധ്യക്ഷത വഹിച്ചു. പഞ്ചായത്തംഗം തോമാസ് തൊകലത്ത്, ഹെഡ്മിസ്ട്രസ് സി. ജെർമിയ, മാനേജർ സി. ലെസ്ലി , പി.ടി.എ പ്രസിഡൻ്റ് ലിജോ മൂഞ്ഞേലി, എന്നിവർ സംസാരിച്ചു.

പുല്ലൂർ എസ് എൻ ബി എസ് എൽ പി സ്കൂളിൽ വാർഡംഗം നിഖിത അനൂപ് അധ്യക്ഷതവഹിച്ചു. മാനേജർ രാമാനന്ദൻ ചെറാക്കുളം, ഹെഡ്മിസ്ട്രസ് മിനി, പഞ്ചായത്തംഗങ്ങളായ സേവ്യർ ആളുക്കാരൻ , മണിസജയൻ എന്നിവർ സംസാരിച്ചു.